സാമൂഹിക തിന്മകൾക്കെതിരെ ജനകീയ വനിത പ്രതിരോധം ശക്തിപ്പെടുത്തണം - എം.ജി.എം ഇഫ്ത്വാർ സമ്മേളനം

കുവൈത്ത് സിറ്റി: സാമൂഹൃ ജീവിതത്തിന് ഭീഷണിയായി വ്യാപിച്ചു കൊണ്ടിരിക്കുന്ന അധാർമ്മിക പ്രവണതകളെ പ്രതിരോധിക്കാൻ ജനകീയ വനിത കൂട്ടായ്മകൾ രൂപീകരിക്കണമെന്ന് ഇന്ത്യൻ ഇസ് ലാഹി സെൻറർ വനിത വിംഗായ മുസ്ലിം ഗേൾസ്  ആൻറ് വുമൻസ് മൂവ്മെന്റ് (എം.ജി.എം) സാൽമിയ കമ്മ്യൂണിറ്റി സ്കൂളിൽ സംഘടിപ്പിച്ച ഇഫ്താർ സമ്മേളനം ആവശ്യപ്പെട്ടു.

എം.ജി.എം സമ്മേളനം സൽസബീൽ ചാരിറ്റിയുടെ കോഡിനേറ്റർ മറിയം ഈസ അൽകന്ദരി ഉദ്ഘാടനം ചെയ്തു. പ്രമുഖ ഖാരിഅ് നൌഷാദ് മദനി കാക്കവയൽ സംഗമത്തിൽ മുഖ്യ പ്രഭാഷണം നടത്തി. എം.ജി.എം പ്രസിഡൻറ് മാഷിത മനാഫ് അധ്യക്ഷത വഹിച്ചു.

എം ജി എം സംഘടിപ്പിച്ച ഹിഫ്ദ് മത്സരവിജയികളായ റബീബ മുഹമ്മദ്, ഗനീമ മുഹമ്മദ് റഫീഫ്, ഖൈറുന്നീസ അസീസ് എന്നിവർക്ക് സമ്മാനങ്ങൾ വിതരണം ചെയ്തു. 

എം.ജി.എം ജനറൽ സെക്രട്ടറി ഫാത്തിമ നഫ്സി ആഷിഖ് സ്വാഗതവും ഷെയ്ബി നബീൽ നന്ദിയും പറഞ്ഞു.