വക്കം മൗലവിയുടെ സമ്പൂർണ്ണ കൃതികളുടെ പ്രകാശനവും നവോത്ഥാന സമ്മേളനവും വെള്ളിയാഴ്ച മസ്ജിദുൽ കബീറിൽ

കുവൈത്ത് സിറ്റി : വക്കം മൗലവി സമ്പൂർണ്ണ കൃതികളുടെ മിഡിൽ ഈസ്റ്റ് തല പുസ്തക പ്രകാശനവും നവോത്ഥാന സമ്മേളനവും വെള്ളിയാഴ്ച  (സെപ്തംബർ 12 ന്) വൈകുന്നേരം 6.30 മണിക്ക്  മസ്ജിദുൽ കബീറിൽ നടക്കും.

സംഗമം അൽ ജംഇയ്യത്തുൽ സൽസബീൽ ഖൈരിയ്യ ജനറൽ സെക്രട്ടറി  ശൈഖ് അഹ്മദ് മുഹമ്മദ് സഈദ്  അൽ ഫാരിസ് ഉദ്ഘാടനം ചെയ്യും. നവോത്ഥാന സമ്മേളനത്തിൽ യുവപണ്ഡിതനും പ്രഭാഷകനുമായ റിഹാസ് പുലാമന്തോൾ മുഖ്യ പ്രഭാഷണം നടത്തും. ഔക്കാഫിൻറെയും വിവിധ സംഘടനകളുടെയും പ്രതിനിധികൾ സമ്മേളനത്തിൽ പങ്കെടുക്കും.

ഇന്ത്യൻ ഇസ്ലാഹീ സെന്റർ കുവൈത്തും യുവതയും സംയുക്തമായാണ് വക്കം അബ്ദുൽ ഖാദർ മൗലവിയുടെ സമ്പൂർണ രചന കൈരളിക്ക് സമ്മാനിക്കുന്നത്.

സംഗമത്തിൽ വെച്ച് സമ്പൂർണ്ണ കൃതികളുടെ സമാഹാരം വാങ്ങാൻ സൌകര്യം ഉണ്ടായിരിക്കും. സ്ത്രീകൾക്ക് പ്രത്യേക സൌകര്യം ഉണ്ട്. വിവിധ ഏരിയകളിൽ നിന്ന് വാഹന സൌകര്യം ലഭ്യമാണ്. വിശദ വിവരങ്ങൾക്ക് ബന്ധപ്പെടുക- 6582 9673, 9782 7920