സൗദി - ബഹ്‌റൈൻ കോസ്‌വേയിൽ ഫെബ്രു. 18 മുതൽ പുതിയ ടോൾ നിരക്കുകൾ

ജിദ്ദ:   സൗദി അറേബ്യയെയും ബഹ്‌റൈനെയും ബന്ധിപ്പിക്കുന്ന കോസ്‌വേയിലൂടെയുള്ള  യാത്രാ ടോൾ അധികൃതർ വർധിപ്പിച്ചു.    പുതിയ ടോൾ നിരക്കുകൾ  ഈ മാസം 18 മുതൽ ഇത് പ്രാബല്യത്തിൽ വരുമെന്ന്  കിംഗ് ഫഹദ് കോസ്‌വേ അതോറിറ്റി  അറിയിച്ചു.

കാറുകൾ, മോട്ടോർ സൈക്കിളുകൾ എന്നിവയ്ക്കുള്ള പുതുക്കിയ  നിരക്ക് 35 റിയാലാണ്.  മിനി ബസുകൾക്ക് 55 റിയാൽ, വലിയ ബസുകൾക്ക് 70 റിയാൽ,  ട്രക്കുകൾക്ക് ടണ്ണിന്  7 റിയാൽ   എന്നിങ്ങനെയുമായിരിക്കും  ടോൾ നിരക്കുകൾ.

വികലാംഗർ, വിദ്യാർത്ഥികൾ, പതിവായി (ദിവസേന) യാത്ര ചെയ്യുന്നവർ എന്നിവരുടെ ടോൾ നിരക്കുകളിൽ വർദ്ധനവ്  ഉണ്ടാകില്ലെന്നും അതോറിറ്റി അറിയിപ്പ് തുടർന്നു.