കെ പി സി സി യുടെ വയനാട് ദുരന്ത പുനരധിവാസ നിധിയിലേക്ക് ഓ ഐ സി സി ഇൻകാസ് ഖത്തർ ആദ്യ ഗഡു തുക കൈമാറി

ഖത്തർ : വയനാട് ദൂരന്ത ബാധിതരുടെ പുനരധിവാസമുൾപ്പെടെയുള്ള പദ്ധതികൾക്കായി കേരളാ പ്രദേശ് കോൺഗ്രസ്സ് കമ്മിറ്റി ഏർപ്പെടുത്തിയ ദുരന്ത നിവാരണ പുനരധിവാസ നിധിയിലേക്ക് ഓ ഐ സി സി ഇൻകാസ് ഖത്തറും ,യൂത്ത് വിംഗ് ഖത്തറും സംയുക്തമായി സമാഹരിച്ച ആദ്യഗഡു തുക കൈമാറി. 

 വയനാട് ദുരന്തത്തിന്റെ കെടുതികളനുഭവിക്കുന്ന സഹജീവികൾക്കുള്ള സഹായങ്ങൾക്കായുള്ള ശ്രമങ്ങൾ ഇനിയും തുടരുമെന്നും ദുരന്ത ബാധിതർക്ക് കൈത്താങ്ങായി ഓ ഐ സി സി ഇൻകാസ് ഖത്തർ ഒപ്പമുണ്ടാകുമന്നും , പ്രസിഡണ്ട് ശ്രീ സമീർ ഏറാമല പറഞ്ഞു.

 2016 ലെ വയനാട് ഉരുൾപൊട്ടൽ ദുരന്തത്തിൽ വീട്ടുകൾ നഷ്ടപ്പെട്ടവർക്ക് ശ്രീ രാഹൂൽ ഗാന്ധി എം പി യുടെ നിർദ്ദേശാനുസരണം 12 വീടുകൾ നിർമ്മിച്ച് നൽകിയത് ഓ ഐ സി സി ഇൻകാസ് ഖത്തർ സെൻട്രൽ കമ്മിറ്റിയുടെ നേതൃത്വത്തിലാണ്. വിജയകരമായി പൂർത്തിയാക്കിയ പന്ത്രണ്ട് വീടുകളുടെ താക്കോൽ ദാന കർമ്മം ശ്രീ രാഹൂൽ ഗാന്ധി നേരിട്ട് വന്ന് നിർവ്വഹിക്കുകയും ചെയ്തു.