മലയാളി യുവാവ്‌ ഒമാനിൽ നിര്യാതനായി

മസ്‌കത്ത്: തൃശൂർ സ്വദേശി ഒമാനിൽ നിര്യാതനായി. കുന്നംകുളം കൊച്ചന്നൂർ കല്ലുവെച്ച പീടികക്കടുത്ത് ചുങ്കം റോഡിൽ കുറ്റിയേരിയിൽ ഫവാസ് മുഹമ്മദ് (42) ആണ്​ അമീറാത്തിൽ മരിച്ചത്​. 

മസ്‌കത്തിലെ ഒരു സ്വകാര്യ സ്ഥാപനത്തില്‍ സെയില്‍സ്മാനായി ജോലി ചെയ്തു വരികയായിരുന്നു. ആക്‌സിഡന്റ്‌സ് ആന്റ് ഡിമൈസസ് ഒമാന്റെ ട്രഷററും എംഎന്‍എംഎയുടെ രക്ഷാധികാരിയും ആയിരുന്നു.

പിതാവ്: പരേതനായ കുറ്റിയേരിയില്‍ കുഞ്ഞുമുഹമ്മദ്. മാതാവ്: മാങ്കിയത്ത് ജമീല. ഭാര്യ: ഷെജ്ന. മകൾ: ഹസ്‌വ. സഹോദരങ്ങൾ: ഫിറോസ്, ഫാരിസ, ഫായിസ.