ജോലിക്ക് പോകാന്‍ തയ്യാറെടുക്കുന്നതിനിടെ കുഴഞ്ഞുവീണു, ഒമാനില്‍ പ്രവാസി മലയാളിക്ക്‌ ദാരുണാന്ത്യം; അവധി കഴിഞ്ഞ് മടങ്ങിയെത്തിയത് നാലു ദിവസം മുമ്പ്‌

മസ്‌കത്ത്: ജോലിക്ക് പോകാന്‍ തയ്യാറെടുക്കുന്നതിനിടെ കുഴഞ്ഞുവീണ് പ്രവാസി മലയാളി മരിച്ചു. മാഹി അഴിയൂര്‍ സഫിയാസില്‍ എന്‍.പി. ഷംസുദ്ദീന്‍ ആണ് മരിച്ചത്. രാവിലെ ജോലിക്ക് പോകാന്‍ തയ്യാറെടുക്കുന്നതിനിടെയാണ് കുഴഞ്ഞുവീണത്.

അവധി കഴിഞ്ഞ് നാല് ദിവസം മുമ്പാണ് മടങ്ങിയെത്തിയത്. ഭാര്യ: സഫിയത്ത്. മക്കൾ: ശിഫ, ശദ, സഹറ. മരുമകൻ: സഹൽ.