പെട്രോള്‍, ഡീസല്‍ വില കുറഞ്ഞു. യുഎഇയില്‍ പുതിയ ഇന്ധനവില ഇന്ന് മുതല്‍ പ്രാബല്യത്തില്‍

അബുദാബി: യുഎഇയില്‍ മാര്‍ച്ച് മാസത്തെ ഇന്ധനവില പ്രഖ്യാപിച്ചു. ഈ മാസം ഇന്ധനവിലയില്‍ കുറവ് ഉണ്ടായിട്ടുണ്ട്. യുഎഇ ഇന്ധനവില നിര്‍ണയ സമിതിയാണ് പെട്രോള്‍, ഡീസല്‍ വില തീരുമാനിക്കുന്നത്. 

പുതിയ ഇന്ധനവില ഇന്ന് മുതല്‍ മുതല്‍ പ്രാബല്യത്തില്‍ വന്നു. പുതിയ ഇന്ധനവില അനുസരിച്ച് സൂപ്പര്‍ 98 പെട്രോള്‍ ലിറ്ററിന് 2.73 ദിര്‍ഹമാണ്. ഫെബ്രുവരി മാസം 2.74 ദിര്‍ഹമായിരുന്നു. സ്‌പെഷ്യല്‍ 95 പെട്രോള്‍ ലിറ്ററിന് 2.61 ദിര്‍ഹമാണ് പുതിയ നിരക്ക്. കഴിഞ്ഞ മാസം 2.63 ദിര്‍ഹമാണ്. 

ഇ-പ്ലസ് 91 പെട്രോള്‍ ലിറ്ററിന് 2.54 ദിര്‍ഹമാണ് മാര്‍ച്ച് മാസത്തെ നിരക്ക്. ഫെബ്രുവരിയില്‍ 2.55 ദിര്‍ഹം ആയിരുന്നു. ഡീസല്‍ ലിറ്ററിന് 2.77 ദിര്‍ഹം ആണ് നിരക്ക്. ഫെബ്രുവരിയില്‍ ഇത് 2.82 ദിര്‍ഹം ആയിരുന്നു.