അമ്മമാർക്കു പ്രസവ ശേഷം $5,000: ജനനനിരക്ക് കൂട്ടാൻ ട്രംപ് പ്രോത്സാഹന വഴികൾ തേടുന്നു

യുഎസിൽ ജനനനിരക്ക് കുറയുന്നത് പരിഗണിച്ചു കൂടുതൽ അമേരിക്കക്കാരെ വിവാഹം കഴിക്കാനും കുട്ടികളെ ജനിപ്പിക്കാനും പ്രോത്സാഹനം നൽകാൻ ട്രംപ് ഭരണകൂടം വഴികൾ തേടുന്നു. അതിലൊന്ന് അമ്മമാർക്കു പ്രസവ ശേഷം $5,000 ബോണസ് നൽകുക എന്നതാണ്. 

വൈറ്റ് ഹൗസ് ഉദ്യോഗസ്ഥർ ഈ വിഷയം ഗൗരവമായി ചർച്ച ചെയ്തു വരുന്നു. വിവാഹിതരുടെ കുട്ടികൾക്ക് ഫുൾബ്രൈറ്റ് സ്കോളർഷിപ്പുകളിൽ 30% സംവരണം ചെയ്യുന്ന കാര്യവും ആലോചനയിലുണ്ട്.

സ്ത്രീകളുടെ ആർത്തവവും ഗർഭധാരണവുമായി ബന്ധപ്പെട്ട വിഷയങ്ങൾ സൗജന്യമായി പഠിപ്പിക്കും. ട്രംപ് തേടുന്നത് 'ബേബി ബൂം' ആണെന്നു റിപ്പോർട്ട് സൂചിപ്പിക്കുന്നു.