അഖില്‍ വിജയ് ഫൊക്കാന യൂത്ത് കമ്മിറ്റിയിലേക്ക് മത്സരിക്കുന്നു

ഫ്ലോറി‍ഡ: ചലച്ചിത്ര നടനും വൈമാനികനുമായ ക്യാപ്റ്റന്‍ അഖില്‍ വിജയ് ഫ്ലോറിഡയില്‍ നിന്നും ഫൊക്കാനയുടെ യൂത്ത് പ്രതിനിധിയായി മത്സരിക്കുന്നു. ഫ്ലോറിഡ കൈരളി ആര്‍ട്‌സ് ക്ലബ് അംഗമായ അഖില്‍ ഡെല്‍റ്റ എയര്‍ലൈന്‍സില്‍ പൈലറ്റായി ജോലി ചെയ്യുന്നു.

ഫ്ലോറിഡയിലെ സാമൂഹ്യ സാംസ്കാരിക മേഖലയില്‍ സജീവസാന്നിധ്യമാണ്. 2019-ല്‍ 'കര്‍ണ്ണന്‍ നെപ്പോളിയന്‍ ഭഗത് സിങ്' എന്ന ശ്രദ്ധേയമായ വേഷം ചെയ്തുകൊണ്ട് മലയാള സിനിമയില്‍ അരങ്ങേറ്റം കുറിച്ചു. 'ആലീസ് ഇന്‍ പാഞ്ചാലിനാട്'. 'മൂണ്‍വാക്ക്' തുടങ്ങിയ സിനിമകളിലും അഭിനയിച്ച അഖിലിന് സാമൂഹ്യ-സാംസ്കാരിക പ്രവര്‍ത്തനങ്ങളെക്കുറിച്ച് വ്യക്തമായ കാഴ്ചപ്പാടുകള്‍ ഉണ്ട്. അഖിലിന്റെ മറ്റൊരു മേഖല മോഡലിങ് ആണ്.

അഖിലിനെപ്പോലെ ചുറുചുറുക്കുള്ള ചെറുപ്പക്കാരനെ ഫൊക്കാനയുടെ യൂത്ത് പ്രതിനിധിയായി ലഭിച്ചതില്‍ അതിയായ സന്തോഷമുണ്ടെന്ന് ഫൊക്കാന പ്രസിഡന്റ് സ്ഥാനാര്‍ഥി ലീലാ മാരേട്ട് അഭിപ്രായപ്പെട്ടു. ഡേറ്റോണ ബീച്ചിലെ പ്രമുഖ സംഘടനയായ 'മാസിന്റെ' പ്രതിനിധി കൂടിയാണ്. അഖില്‍ വിജയ് ലീല മാരേട്ട് നേതൃത്വം നല്‍കുന്ന ടീമിലാണ് മത്സരിക്കുന്നത്.