ഡാലസ് സെന്റ് പോൾസ് മാർത്തോമ്മാ പള്ളിയിൽ റവ.ഷൈജു സി ജോയിക്ക് യാത്രയയപ്പ് നൽകി

ഡാലസ്: ഡാലസ് സെന്റ് പോൾസ് മാർത്തോമ്മാ ചർച്ചിലെ മൂന്നു വർഷത്തെ സേവനത്തിനു ശേഷം നാട്ടിലേക്ക് മടങ്ങിപ്പോകുന്ന വികാരി റവ.ഷൈജു സി ജോയിക്ക് ഇടവക സേവികാ സംഘം യാത്രയയപ്പ് നൽകി.

സേവികാ സംഘത്തിന്റെ ആഭിമുഖ്യത്തിൽ ദേവാലയത്തിൽ വച്ച് നടന്ന യാത്രയയപ്പ് സമ്മേളനത്തിൽ സംഘം സെക്രട്ടറി രേഷ്മ ജോഹാഷ് സ്വാഗതം ആശംസിച്ചു. ധനീഷ വർഗീസ് യാത്ര മംഗള ഗാനം ആലപിച്ചു. സംഘത്തിന്റെ ഉപഹാരം ഖജാൻജി സാലി ഏബ്രഹാം നൽകി. മൂന്നു വർഷം ഇടവകയിൽ നിന്നും ലഭിച്ച സഹകരണത്തിനും സ്നേഹത്തിനും വികാരി റവ. ഷൈജു സി ജോയിയും ഭാര്യ സുഭിയും നന്ദി പറഞ്ഞു.

ബുധനാഴ്ച നോബിനോടനുബന്ധിച്ച് നടന്ന സന്ധ്യ നമസ്കാരത്തിൽ ഡോ. റെയ്ന തോമസ് "ആരാധനയും അർപ്പണവും" എന്ന വിഷയത്തെ ആസ്പദമാക്കി വചന ശുശ്രൂഷ നിർവഹിച്ചു. വികാരി റവ.ഷൈജു സി ജോയി, ആനി വർഗീസ്, സൂസമ്മ എബ്രഹാം, മോളി ഉമ്മൻ കോശി തുടങ്ങിയവർ ആരാധനയ്ക്ക് നേതൃത്വം നൽകി.