ഡാലസിൽ സൗജന്യ ബൈബിൾ പഠന പരമ്പര

ഡാലസ്: ഡാലസിൽ മലയാളം ബൈബിൾ സ്റ്റഡി ഫെലോഷിപ്പിന് ഈ ആഴ്ച തുടക്കമാവുന്നു. ലൈഫ് ഫോക്കസ് മീഡിയയും ബിബിസി കരോൾട്ടനും ചേർന്നൊരുക്കുന്ന ചിട്ടയായ ബൈബിൾ പഠന പരമ്പര ഈ വെള്ളിയാഴ്ച ആരംഭിക്കും.

കരോൾട്ടനിലെ റോസ്‌മീഡ് റിക്രിയേഷൻ സെന്ററിലെ അർമാഡിലോ ഹാളിൽ എല്ലാ വെള്ളിയാഴ്ചകളിലും വൈകുന്നേരം 7:30 മുതൽ 8:30 വരെയാണ് പരിപാടി. ഡാലസ് തിയോളജിക്കൽ സെമിനാരി ഉൾപ്പെടെ പരിശീലനം നേടിയ അധ്യാപകർ ക്ലാസുകൾ നയിക്കും. മാതാപിതാക്കളോടൊപ്പം വരുന്ന കുട്ടികൾക്കായി പ്രത്യേക ശിശുപരിചരണവും ഉണ്ടായിരിക്കും.

പ്രവേശനം സൗജന്യമാണ്. മുൻകൂട്ടി റജിസ്റ്റർ ചെയ്യുന്നവർക്ക് ആകർഷകമായ സമ്മാനങ്ങൾ ഉണ്ടാകുമെന്ന് സംഘാടകർ അറിയിച്ചു.

റജിസ്റ്റർ ചെയ്യുന്നതിനുള്ള ലിങ്ക്

 https://docs.google.com/forms/d/e/1FAIpQLSeGwvC3s_uEbnIlksLoZCXHzEbct-A8LaOUxQAzMo0jVuqxng/viewform  

കൂടുതൽ വിവരങ്ങൾക്ക്:ജിംസ് മാമ്മൻ: 936 676 9327; ജെറി മോഡിയൽ: 817 734 6991