സണ്ണിവെയ്ൽ ടൗൺ ഹാളിൽ മേയർ സ്ഥാനാർഥി സംവാദം ആവേശകരമായി

ഡാലസ്: സണ്ണിവെയ്ൽ ടൗൺ ഹാളിൽ ഏപ്രിൽ 15 നു വൈകുന്നേരം 7:00 മണിക്ക് സംഘടിപ്പിച്ച മേയർ സ്ഥാനാർഥി സംവാദം ആവേശകരമായി. നിലവിൽ സണ്ണിവെയ്ൽ ടൗൺ മേയർ മേയറും മലയാളിയുമായ സജി ജോർജും, ആദ്യമായി മത്സരരംഗത്തെത്തിയ പോൾ കാഷും സണ്ണിവെയ്ൽ സിറ്റിയുടെ വികസനത്തെക്കുറിച്ചുള്ള തങ്ങളുടെ കാഴ്ചപാടുകൾ വിശദീകരിച്ചു.

സണ്ണിവെയ്ൽ പൊലീസ് ഡിപ്പാർട്ട്മെന്റ് സ്ഥാപികുന്നതിനും, പുതിയ ഫയർ സ്റ്റേഷൻ ഉൾപ്പെടെ ഫയർ ആൻഡ് എമർജൻസി സർവീസുകൾ ശക്തിപ്പെടുത്തുന്നതിനും ജോബ്സൺ പാർക്കിലും വൈൻയാർഡ് പാർക്കിലും പുതിയ കായിക മേഖലകൾക്ക് അംഗീകാരം നൽകുന്നതിനും, പൊതു സുരക്ഷാ, കുടുംബത്തിന്റെ സുരക്ഷയും സമാധാനവും ഉറപ്പാക്കാൻ എപ്പോഴും പ്രവർത്തിക്കുമെന്നും സജി പറഞ്ഞു.

സണ്ണിവെയ്ൽ സിറ്റിയിൽ വിവിധ കമ്മിറ്റികളിൽ പ്രവർത്തിച്ച പരിചയം അവകാശപ്പെട്ട പോൾ കാഷ് മേയറായി തിരഞ്ഞെടുക്കപ്പെട്ടാൽ സിറ്റിയിലേക്ക് കൂടുതൽ വ്യവസായങ്ങൾ കൊണ്ടുവരുന്നതിനും അതിലൂടെ സിറ്റിയുടെ റവന്യൂ വർധിപ്പിക്കുമെന്നും ഉറപ്പു നൽകി. 

ഏപ്രിൽ 22 നാണു ഏർളി വോട്ടെടുപ്പ് ആരംഭിക്കുന്നത്. മെയ് 3 നാണു പൊതു തിരഞ്ഞെടുപ്പ്. സണ്ണിവെയ്ൽ പട്ടണത്തിന്റെ മേയറായി മൂന്നാമതും മത്സരിക്കുന്ന സജി ജോർജിനെ വിജയിപ്പിക്കുന്നതിനുള്ള പ്രവർത്തനങ്ങൾ സജീവമാക്കൻ കൗൺസിൽ മെമ്പറും മലയാളിയുമായ മനു ഡാനി അഭ്യർഥിച്ചു.