യുഎസിൽ പിതാവിനെ വെടിവച്ച കൗമാരക്കാരൻ പൊലീസ് കസ്റ്റഡിയിൽ

അമേരിക്കയിലെ ടെക്സസിലുള്ള പ്ലാനോയിൽ തിങ്കളാഴ്ച രാവിലെ സ്വന്തം പിതാവിനെ വെടിവച്ച് പരുക്കേൽപ്പിച്ച 15 വയസ്സുകാരനെ പൊലീസ് കസ്റ്റഡിയിലെടുത്തു. രാവിലെ 8:25 ഓടെ സാൻഡി വാട്ടർ ലെയ്‌നിലെ ഒരു വീട്ടിലാണ് വെടിവയ്പ് നടന്നത്. വെടിയേറ്റ പിതാവ് തന്നെയാണ് പൊലീസിനെ വിളിച്ച് വിവരം അറിയിച്ചത്. തന്റെ മകൻ തന്നെ വെടിവച്ചുവെന്ന് അദ്ദേഹം അധികൃതരോട് പറഞ്ഞു.

സ്ഥലത്തെത്തിയ പൊലീസ് ഉദ്യോഗസ്ഥർ കൗമാരക്കാരനെ കസ്റ്റഡിയിലെടുത്തു. പരുക്കേറ്റ പിതാവിനെ ഉടൻ തന്നെ ആശുപത്രിയിൽ പ്രവേശിപ്പിച്ചു. അസംഭവത്തെക്കുറിച്ച് കൂടുതൽ അന്വേഷണം നടക്കുകയാണെന്നും പൊതുജനങ്ങൾക്ക് മറ്റ് ഭീഷണികൾ ഒന്നുമില്ലെന്നും പ്ലാനോ പൊലീസ് അറിയിച്ചു.