ടെക്സസ് ഗവർണർ തിരഞ്ഞെടുപ്പ്: ഗ്രിഗ് ആബട്ടും ജിന ഹിനോജോസയും നേർക്കുനേർ

ടെക്സസ്: വരാനിരിക്കുന്ന ടെക്സസ് ഗവർണർ തിരഞ്ഞെടുപ്പിൽ റിപ്പബ്ലിക്കൻ പാർട്ടി സ്ഥാനാർത്ഥിയായി നിലവിലെ ഗവർണർ ഗ്രിഗ് ആബട്ടും, ഡെമോക്രാറ്റിക് പാർട്ടി സ്ഥാനാർത്ഥിയായി സ്റ്റേറ്റ് റെപ്രസെന്റേറ്റീവ് ജിന ഹിനോജോസയും ഏറ്റുമുട്ടും. ചൊവ്വാഴ്ച നടന്ന പ്രൈമറി തിരഞ്ഞെടുപ്പിൽ വൻ ഭൂരിപക്ഷത്തോടെയാണ് ഇരുവർക്കും തങ്ങളുടെ പാർട്ടികളുടെ നാമനിർദ്ദേശം ലഭിച്ചത്.

തന്നെ വെല്ലുവിളിച്ച 10 സ്ഥാനാർത്ഥികളെയും പിന്നിലാക്കി 82.5% വോട്ടുകൾ നേടിയാണ് ഗ്രിഗ് ആബട്ട് വിജയിച്ചത്. നവംബറിൽ നടക്കുന്ന പൊതുതിരഞ്ഞെടുപ്പിൽ വിജയിച്ചാൽ ടെക്സസിന്റെ ചരിത്രത്തിൽ ഏറ്റവും കൂടുതൽ കാലം സേവനമനുഷ്ഠിക്കുന്ന ഗവർണറായി ആബട്ട് മാറും.

എട്ട് എതിരാളികളെ ഡെമോക്രാറ്റിക് പ്രൈമറിയിൽ പരാജയപ്പെടുത്തി 60% വോട്ടുകളോടെയാണ് ജിന ഹിനോജോസ വിജയം ഉറപ്പിച്ചത്. 1995-ന് ശേഷം ടെക്‌സസിൽ ഒരു ഡെമോക്രാറ്റിക് ഗവർണർ എന്ന ലക്ഷ്യവുമായാണ് ഹിനോജോസ മത്സരരംഗത്തുള്ളത്.

വസ്തു നികുതി കുറയ്ക്കുക, അതിർത്തി സുരക്ഷ ഉറപ്പാക്കുക എന്നിവയാണ് ആബട്ടിൻ്റെ പ്രധാന ലക്ഷ്യങ്ങൾ. എന്നാൽ എല്ലാവർക്കും പ്രാപ്യമായ ആരോഗ്യരക്ഷ, ഗുണനിലവാരമുള്ള വിദ്യാഭ്യാസം എന്നിവയിലാണ് ഹിനോജോസ ഊന്നൽ നൽകുന്നത്.

നവംബർ 3-നാണ് ടെക്സ‌സ് ഗവർണർ പദവിയിലേക്കുള്ള നിർണ്ണായകമായ പൊതുതിരഞ്ഞെടുപ്പ് നടക്കുന്നത്.