കാഷ് പട്ടേലിനെ പുറത്താക്കുമെന്ന അഭ്യുഹങ്ങൾ നിഷേധിച്ച് വൈറ്റ് ഹൗസ്

വാഷിങ്‌ടൻ ഡി.സി: എഫ്ബിഐ ഡയറക്ടർ കാഷ് പട്ടേലിനെ പ്രസിഡന്റ് പുറത്താക്കാൻ ആലോചിക്കുന്നു എന്ന റിപ്പോർട്ടുകൾ നിഷേധിച്ച് വൈറ്റ് ഹൗസ്. ട്രംപ് കാഷ് പട്ടേലിനെ പദവിയിൽ നീക്കം ചെയ്യാൻ ആലോചിക്കുന്നു എന്ന് അജ്ഞാത വൃത്തങ്ങളെ ഉദ്ധരിച്ചാണ് റിപ്പോർട്ട് വന്നത്. എന്നാൽ, വൈറ്റ് ഹൗസ് പ്രസ് സെക്രട്ടറി കരോലിൻ ലീവിറ്റ് വിവരം ‘തികച്ചും തെറ്റാണ്’ എന്ന് പ്രതികരിച്ചു. ട്രംപ് മാധ്യമങ്ങളോട് സംസാരിച്ചപ്പോഴും, കാഷ് പട്ടേലിനെ പുറത്താക്കാൻ ആലോചിക്കുന്നില്ലെന്ന് വ്യക്തമാക്കി.

നേരത്തെ, കാഷ് പട്ടേലിന്റെ പ്രവർത്തനങ്ങൾ മുമ്പ് വിവാദമായിരുന്നു. സ്വകാര്യ യാത്രകൾക്ക് സർക്കാർ വിമാനം ഉപയോഗിച്ചതിനും കാമുകിക്ക് സുരക്ഷ നൽകാൻ എഫ്ബിഐ സ്വാറ്റ് ടീമിനെ ഉപയോഗിച്ചതിനും അദ്ദേഹം ചോദ്യം നേരിട്ടിരുന്നു. കൂടാതെ, എഫ്ബിഐ ഉദ്യോഗസ്ഥരെ നിയമവിരുദ്ധമായി പിരിച്ചുവിട്ടുവെന്ന ആരോപണത്തിൽ കാഷ് പട്ടേൽ ഫെഡറൽ കേസും നേരിടുന്നുണ്ട്.