സ്പെയ്നിലെ കോട്ടയില്‍ പുരാതന റോമന്‍ സൈനികന്റെ മൃതദേഹം കണ്ടെത്തി

തെക്കു പടിഞ്ഞാറന്‍ സ്പെയിനിലെ പുരാവസ്തു ഗവേഷകര്‍ പതിവു പോലെ തങ്ങളുടെ ഗവേഷണ പഠനങ്ങള്‍ക്കായാണ് അവിടെയുള്ള അല്‍മെന്‍ഡ്രലെജോ എന്ന പ്രദേശത്തെ 4,900 വര്‍ഷം പഴക്കമുള്ള ഒരു കോട്ടയില്‍ ഖനനം നടത്താനെത്തിയത്. എന്തായാലും അവരുടെ നിരീക്ഷണ പഠനങ്ങള്‍ വെറുതെയായില്ല. ആ പുരാതന കോട്ടയുടെ പ്രതിരോധ കിടങ്ങുകളില്‍ ഒന്നിനു സമീപം അവരെ കാത്തിരുന്നത് ആരാലും ശ്രദ്ധിക്കപ്പെടാതെ അന്ത്യവിശ്രമം കൊള്ളുന്ന ഒരു ശവകുടീരം. അതും ഒരു റോമന്‍ പട്ടാളക്കാരന്‍റേത് എന്നു തോന്നിക്കുന്ന ഒരാളുടേത്. ആഴം കുറഞ്ഞ ശവക്കുഴിയിലാണ് 25~35 പ്രായത്തില്‍ മരണം വരിച്ചതെന്നു കരുതപ്പെടുന്ന, റോമന്‍ സൈനികന്‍റേതെന്നു തോന്നിക്കുന്ന മൃതദേഹാവശിഷ്ടം. മുഖം കമിഴ്ത്തി കിടത്തിയ രീതിയിലായിരുന്നു അത് കണ്ടെത്തപ്പെട്ടത്.

ആ മൃതദേഹാവശിഷ്ടത്തോടൊപ്പം പുജിയോ എന്നു വിളിക്കുന്ന ഒരു റോമന്‍ കഠാരയും ഉണ്ടായിരുന്നു. യാതൊരു കേടുപാടുകളും ഇല്ലാതെ ഉറയില്‍ കണ്ടെത്തിയ കഠാര ബിസി ഒന്നാം നൂറ്റാണ്ടിന്‍റെ അവസാനത്തേത് ആണെന്നാണ് പഠനങ്ങളില്‍ തെളിഞ്ഞത്. അതു കൊണ്ടു തന്നെ ആ മൃതദേഹത്തിനും അത്ര തന്നെ പ്രായം കണക്കാക്കപ്പെടുന്നു.

എന്നു തന്നെയല്ല ഈ അസാധാരണ രീതി സൂചിപ്പിക്കുന്നത് ഈ സൈനികന് വീരോചിതമായ സംസ്കാരം ലഭിച്ചിട്ടില്ല എന്നാണെന്നും അദ്ദേഹം വ്യക്തമാക്കുന്നു. അതിനു തെളിവായി അദ്ദേഹം തന്‍റെ ഗവേഷക സംഘം കണ്ടെത്തിയ തെളിവുകള്‍ ഇങ്ങനെ നിരത്തുന്നു:

മൃതദേഹാവശിഷ്ടത്തിന് കാലുകള്‍ പൂര്‍ണമായി ഉണ്ടായിരുന്നില്ല. ഇത് ഏതെങ്കിലും യുദ്ധത്തില്‍ ഛേദിക്കപ്പെട്ടതാകാം. ഈകാലുകള്‍ നഷ്ടപ്പെട്ടതൊഴികെ അസ്ഥികൂടം ഏതാണ്ട് പൂര്‍ണമായും ഉണ്ടായിരുന്നു. മുറിഞ്ഞ കാലുകളുള്ള, മുഖം കമിഴ്ത്തിക്കിടത്തിയ സംസ്കാരം, കമിഴ്ത്തി കിടത്തിയ വ്യക്തിയുടെ പുറകില്‍ പുജിയോ സ്ഥാപിച്ചിരിക്കുന്നു.

ഇതെല്ലാം യുദ്ധത്തില്‍ മുറിവേറ്റ് പരാജിതനായി മരിച്ച യോദ്ധാവിനെ ശത്രുക്കള്‍ വേണ്ട ബഹുമാനം നല്‍കാതെ സംസ്കരിച്ചതാകാം എന്ന നിഗമനത്തിലേയ്ക്കാണ് ഗവേഷകരെ എത്തിച്ചത്. ഇതൊരു "യഥാര്‍ഥ രഹസ്യ'മായി തുടരുന്നു എന്നാണ് സീസര്‍ കുറിച്ചത്.

ഈ അസ്ഥികൂട അവശിഷ്ടങ്ങള്‍ അക്കാലത്ത് ഹിസ്പാനിയയില്‍ നിലയുറപ്പിച്ചിരുന്ന ഏക റോമന്‍ സൈന്യമായ ലെജിയോ 6 ജെമിനയുടെ അംഗമായിരിക്കാനാണ് സാധ്യത എന്നും ഗവേഷകര്‍ നിരീക്ഷിക്കുന്നു. ലെജിയോ 10 ജെമിന യായിരുന്നു ബിസി 58 ല്‍ ജൂലിയസ് സീസറിന്‍റെ കാലത്തെ റോമന്‍ സൈന്യം. ഇതില്‍ നിന്നും ബിസി 74 ല്‍ ലെജിയോ 6 ജെമിന എന്നു പറയുന്ന റോമന്‍ സൈന്യത്തിലെ അംഗത്തിന്‍റെ അതി പുരാതന മൃതദേഹാവശിഷ്ടമാണ് കണ്ടെത്തിയത് എന്ന് സ്പഷ്ടമാകുന്നു.