ഓട്ടവ : കാനഡയുടെ പുതിയ ഇമിഗ്രേഷന്‍ മന്ത്രിയായി ലെന മെറ്റ്ലെജ് ഡയബ് നിയമിതയായി. 2025 മാര്‍ച്ച് മുതല്‍ ഈ സ്ഥാനം വഹിച്ചിരുന്ന റേച്ചല്‍ ബെന്‍ഡയന്റെ പിന്‍ഗാമിയായാണ് മാര്‍ക്ക് കാര്‍ണി മന്ത്രിസഭയില്‍ ലെന മെറ്റ്ലെജ് ഡയബ് അംഗമാകുന്നത്.
1965 ഓഗസ്റ്റ് 17-ന് ഹാലിഫാക്‌സില്‍ ജനിച്ച, 60 വയസ്സുള്ള ലെന 2021-ലെ ഫെഡറല്‍ തിരഞ്ഞെടുപ്പില്‍ ലിബറല്‍ പാര്‍ട്ടി ഓഫ് കാനഡയെ പ്രതിനിധീകരിച്ച് ഹാലിഫാക്‌സ് വെസ്റ്റ് പാര്‍ലമെന്റ് അംഗമായി ആദ്യമായി തിരഞ്ഞെടുക്കപ്പെട്ടു. 2013 മുതല്‍ 2021 വരെ ഹാലിഫാക്‌സ് ആംഡെയ്ലിന്റെ എംഎല്‍എയായി സേവനമനുഷ്ഠിച്ച ലെന ഡയബ്, പ്രവിശ്യാ ഇമിഗ്രേഷന്‍ മന്ത്രി ഉള്‍പ്പെടെ നോവസ്‌കോഷ നിയമസഭയില്‍ നിരവധി മന്ത്രി സ്ഥാനങ്ങള്‍ വഹിച്ചിട്ടുണ്ട്. 2013-ല്‍, നോവസ്‌കോഷയുടെ ആദ്യത്തെ വനിതാ അറ്റോര്‍ണി ജനറലായും നീതിന്യായ മന്ത്രിയായും ലെന മെറ്റ്ലെജ് ഡയബ് ചരിത്രം സൃഷ്ടിച്ചു.
ലെബനന്‍ കുടിയേറ്റ മാതാപിതാക്കളുടെ മകളാണ്. രാഷ്ട്രീയ രംഗത്തേക്ക് പ്രവേശിക്കുന്നതിനുമുമ്പ്, ഒരു അഭിഭാഷകയായും കമ്മ്യൂണിറ്റി ലീഡറായും ലെന ശക്തമായ ഒരു കരിയര്‍ കെട്ടിപ്പടുത്തു. 1985-ല്‍ ഹാലിഫാക്‌സ് സെന്റ് മേരീസ് യൂണിവേഴ്‌സിറ്റിയില്‍ നിന്ന് സാമ്പത്തിക ശാസ്ത്രത്തിലും രാഷ്ട്രീയ ശാസ്ത്രത്തിലും ബിരുദാനന്തര ബിരുദം നേടി. പിന്നീട് അവര്‍ പബ്ലിക് അഡ്മിനിസ്‌ട്രേഷനില്‍ മാസ്റ്റര്‍ ബിരുദവും നിയമത്തില്‍ ബിരുദവും നേടി. 1991-ല്‍ നോവസ്‌കോഷ ബാരിസ്റ്റേഴ്‌സ് സൊസൈറ്റിയില്‍ പ്രവേശനം നേടി.
Follow Us/sathyam/media/media_files/2025/05/15/kKy1yb5iI4MjHoGWnTbp.jpg)
/sathyam/media/agency_attachments/5VspLzgrB7PML1PH6Ix6.png)
