അല്‍ ആരിഷ്: സംഘര്‍ഷം നിലനില്‍ക്കുന്ന ഗാസയിലെ കുട്ടികള്‍ക്കായി ഈജിപ്റ്റ്~ഗാസ അതിര്‍ത്തിയിലെ അല്‍ ആരിഷ് ആശുപത്രിയോട് ചേര്‍ന്ന് ബുര്‍ജീല്‍ ഹോള്‍ഡിങ്സ് ഒരുക്കിയ കളി സ്ഥലം ഫ്രഞ്ച് പ്രസിഡന്‍റ് ഇമ്മാനുവല്‍ മാക്രോയും ഈജിപ്റ്റ് പ്രസിഡന്‍റ് അബ്ദുല്‍ ഫത്താഹ് എല്‍~സിസിയും സന്ദര്‍ശിച്ചു. ഈജിപ്ത് സന്ദര്‍ശനത്തിന് എത്തിയപ്പോഴാണ് ഫ്രഞ്ച് പ്രസിഡന്‍റ് കുട്ടികളുടെ വിനോദ കേന്ദ്രം കാണാനെത്തിയത്.
ഗാസയിലെ ആക്രമണത്തില്‍ പരിക്കേറ്റ കുട്ടികളെ ആരോഗ്യത്തിലേക്ക് തിരിച്ചുകൊണ്ടുവരുന്നതിന് ബുര്‍ജീല്‍ ഹോള്‍ഡിങ്സ് ഒരുക്കിയ കളി സ്ഥലത്താണ് രാഷ്ര നേതാക്കള്‍ എത്തിയത്.
ചികിത്സയില്‍ കഴിയുന്ന കുട്ടികളെ ഇരുനേതാക്കളും ആശ്വസിപ്പിക്കുകയും അവരോടൊപ്പം സമയം ചെലവിടുകയും ചെയ്തു. പ്രതിസന്ധിയിലായവര്‍ക്ക് സഹായമെത്തിക്കാനുള്ള ഇടപെടലുകളുടെ തുടര്‍ച്ചയായി കഴിഞ്ഞ വര്‍ഷമാണ് ബുര്‍ജീല്‍ ഹോള്‍ഡിങ്സ് സ്ഥാപകനും ചെയര്‍മാനുമായ ഡോ. ഷംഷീര്‍ വയലിലിന്‍റെ നേതൃത്വത്തില്‍ ആശുപത്രിയില്‍ പ്രത്യേക വിനോദ മേഖല സജ്ജീകരിച്ചത്.
ഇപ്പോള്‍ ആശുപത്രിയില്‍ എത്തുന്ന കുട്ടികളുടെ പ്രിയ കേന്ദ്രമാണ് വെല്‍നസ് ഒയാസിസ്. രാഷ്ട്ര തലവന്മാരുടെ സന്ദര്‍ശനത്തിലൂടെ ഈ കളിസ്ഥലം അന്താരാഷ്ട്ര മാധ്യമ വാര്‍ത്തകളിലും ഇടം നേടുകയാണ്
Follow Us/sathyam/media/media_files/2025/04/12/jagXzJYA3lKQjktfYZep.jpg)
/sathyam/media/agency_attachments/5VspLzgrB7PML1PH6Ix6.png)
