ലണ്ടൻ: ബ്രിട്ടനിലെ പ്രസ്റ്റണിൽ അന്തരിച്ച ഡോ. എ ജെ ജേക്കബിന്റെ (64) സംസ്കാരം മാർച്ച് ആറിന് നടക്കും.
രാവിലെ 10 മുതൽ പ്രസ്റ്റൺ സെന്റ് ജോസഫ് കത്തീഡ്രലിൽ വച്ച് നടക്കുന്ന പൊതുദർശനത്തോടെ സംസ്കാരചടങ്ങുകൾ ആരംഭിക്കും. 11 മണി വരെയാണ് പൊതുദർശനത്തിന്റെ സമയക്രമം. തുടർന്ന്, കുർബാനയും സെന്റ് ആൻഡ്രൂസ് ചർച്ച് സെമിത്തേരിയിൽ വച്ച് സംസ്കാരവും നടക്കും.
പ്രിസ്റ്റണിലെ ലാങ്ക്ഷെയർ ടീച്ചിംഗ് ആശുപത്രിയിൽ ന്യൂറോ കൺസൾട്ടന്റായിരുന്ന ഡോ. ജേക്കബ് നാട്ടിൽ കോട്ടയം പാലാ സ്വദേശിയാണ്. ചങ്ങനാശേരി ചെത്തിപ്പുഴ സെന്റ് തോമസ് ആശുപത്രിയിലും ഡോക്ടറായി സേവനം അനുഷ്ഠിച്ചിട്ടുണ്ട്.
പാലാ ഇടമറ്റം ആയത്തമറ്റം പരേതരായ ഡോ. എ എം ജോസഫ് - പ്രഫ. മോളി ദമ്പതികളുടെ മകനാണ്. ഭാര്യ ഡോ. ദീപ ലിസ ജേക്കബ്. ഡോ. ജോ ജേക്കബ്, ഡോ. ജെയിംസ് ജേക്കബ് എന്നിവരാണ് മക്കൾ.
എ ജെ ജേക്കബിന്റെ നിര്യാണത്തിൽ പ്രിസ്റ്റണിലെ വിവിധ മലയാളി അസോസിയേഷനുകൾ അനുശോചനം അറിയിച്ചു.