കാനഡയിൽ തൊഴിൽ പെർമിറ്റ് വൈകുന്നു; ആയിരക്കണക്കിന് ഇന്ത്യൻ കുടിയേറ്റക്കാർ ദുരിതത്തിൽ

കാനഡയിൽ തൊഴിൽ പെർമിറ്റ് പുതുക്കുന്നതിനുള്ള ലേബർ മാർക്കറ്റ് ഇംപാക്ട് അസസ്മെൻ്റ്സിലെ (എൽഎംഐഎ) വലിയ കാലതാമസം ആയിരക്കണക്കിന് ഇന്ത്യൻ കുടിയേറ്റക്കാരെ ദുരിതത്തിലാക്കുന്നു.

ഇത് ഇപ്പോൾ 165 പ്രവൃത്തി ദിനങ്ങൾ വരെ എടുക്കുന്നതിനാൽ പലർക്കും നിയമപരമായ സ്ഥിതിയും ജോലിയും ആരോഗ്യ സംരക്ഷണവും നഷ്ടപ്പെട്ടു. ഇത് അവരെ രേഖകളില്ലാത്ത ജോലികൾ ചെയ്യാൻ നിർബന്ധിതരാക്കുന്നു.

കാനഡയുടെ കുടിയേറ്റ നയത്തിൽ വൻ മാറ്റങ്ങൾ വരുന്നുണ്ട്. 2025 ജനുവരി മുതൽ സ്പോക്സ് വർക്ക് പെർമിറ്റുകളിൽ പുതിയ നിയന്ത്രണങ്ങൾ വന്നു . ഈ നിയമം ഇന്ത്യൻ കുടിയേറ്റക്കാരെ കൂടുതൽ അനിശ്ചിതത്വത്തിലേക്ക് തള്ളിവിടുകയും തൊഴിൽ പെർമിറ്റ് പുതുക്കാൻ വൈകുന്നത് കാരണം ആയിരക്കണക്കിന് കുടിയേറ്റക്കാർക്ക് അവരുടെ ജോലി ചെയ്യാനുള്ള അനുമതിയും ആരോഗ്യ സംരക്ഷണ സൗകര്യങ്ങളും നഷ്ടപ്പെടുകയും ചെയ്തു.

 എൽഎംഐഎയുടെ കാലതാമസം 58 പ്രവൃത്തി ദിവസങ്ങളിൽ നിന്ന് 165 ആയി വർദ്ധിച്ചു. ഈ കാലതാമസവും പുതിയ നയങ്ങളും കാരണം, ഇന്ത്യൻ കുടിയേറ്റക്കാർക്ക് അവരുടെ ഭാവി സുരക്ഷിതമാക്കാൻ നേരത്തെയുള്ള നടപടി, നിയമപരമായ മാർഗ്ഗനിർദ്ദേശം, നയപരമായ മാറ്റങ്ങളെക്കുറിച്ചുള്ള അവബോധം എന്നിവ അത്യാവശ്യമാണ്.