ബിസിനസ് നെറ്റ് വർക്ക് ഇന്റർനാഷണൽ ബിഎൻഐ ഇന്ത്യ ഡെലിഗേഷൻ വിജയകരമായ ബിസിനസ് സെമിനാർ സംഘടിപ്പിച്ചു

മനാമ: ബി എൻ ഐ ബഹ്‌റൈൻ അഭിമാനപൂർവ്വം ഗൾഫ് ഹോട്ടലിൽ ഉന്നത  ബിസിനസ് ബോധവൽക്കരണം സംഘടിപ്പിച്ചു. ബി എൻ ഐ ഇന്ത്യയിൽ നിന്നുള്ള 46 ഇന്ത്യൻ വ്യവസായികളുടെ സംഘം ചർച്ചയിൽ പങ്കെടുത്തു.
 
ചരിത്രപരമായി കച്ചവട രംഗത്ത് സൗഹാർദ്ദം വലിയ നിലയിൽ നിലനിർത്തുന്ന ബഹ്റൈൻ ഇന്ത്യാ ബിസിനസ് സഹകരണത്തെ പ്രോത്സാഹിപ്പിക്കാൻ ലക്ഷ്യമിട്ട ബോധവൽക്കരണവും മാറ്റങ്ങളും ബഹ്‌റൈൻ ഇന്ത്യൻ അംബാസഡർ ഹിസ് എക്സലൻസി വിനോദ് കെ. ജേക്കബ് മുഖ്യാതിഥിയായിരുന്നു.

ബഹ്‌റൈനിലെ പാർലമെന്റ് അംഗം ഡോ. ഹസ്സൻ ബുഖമ്മാസ്; ബഹ്‌റൈൻ കേരളീയ സമാജം പ്രസിഡന്റ് പി.വി രാധാകൃഷ്ണ പിള്ള, വേൾഡ് കൗൺസിൽ ഡയറക്ടർ  സുധീർ തിരുനിലത്ത്, ബിസിനസ് രംഗത്തുള്ളവരും സന്നിഹിതരായിരുന്നു.

ബി എൻ ഐ ബഹ്‌റൈനിൽ നടത്തുന്ന ദൗത്യ ലക്ഷ്യങ്ങൾ തുടങ്ങിയവ ഡയറക്ടർ അരുണോദയ് ഗാംഗുലി വിശദീകരിച്ചു. പ്രസിഡന്റ് നാരായണൻ ഗണപതി ബഹ്‌റൈനിലെ ബിസിനസ് സാധ്യതകളും വളർച്ചാ അവലോകനവും വിശകലനം ചെയ്ത് സംസാരിച്ചു.

ബഹ്‌റൈൻ ഇന്ത്യൻ ബിസിനസുകൾ തമ്മിലുള്ള വളർച്ചയിലുള്ള ബന്ധത്തെ ഇന്ത്യൻ അംബാസഡർ പ്രശംസിച്ചു. ബഹ്‌റൈൻ ആഗോള ഇന്ത്യൻ നിക്ഷേപങ്ങൾക്ക് ഒരു ആകർഷക കേന്ദ്രമാണെന്ന് അദ്ദേഹം വ്യക്തമാക്കി.

ബി എൻ ഐ ബഹ്‌റൈൻ  ഡയറക്ടർ അരുണോദയ് ഗാംഗുലി  ഇന്ത്യയിൽ നിന്നുള്ള 46 ലധികം പ്രതിനിധികളെ കൊണ്ടുവരുന്ന പരിപാടി അതിർത്തികൾക്കപ്പുറം നെറ്റ് വർക്കിംഗിന്റെ ഉദ്ദേശ്യ ലക്ഷ്യങ്ങൾ ബി എൻ ഐ  ബഹ്‌റൈനും ഇന്ത്യയും മാത്രമല്ല മറ്റ് രാജ്യങ്ങളും തമ്മിലുള്ള ഇത്തരത്തിലുള്ള സഹകരണങ്ങൾക്ക് ഒരു അടിത്തറയായി പ്രവർത്തിക്കാൻ തുടങ്ങുന്നതിൻ്റെ ഭാഗമായിട്ടാണ് ബഹ്റൈനെ തെരഞ്ഞെടുത്തതെന്ന് സൂചിപ്പിച്ചു.

ലോകത്തിലെ ഏറ്റവും വലിയ ബിസിനസ് റഫറൽ നെറ്റ് വർക്ക് സംഘടനയായ ബിസിനസ് നെറ്റ് വർക്ക് ഇന്റർനാഷണൽ 1985-ൽ സ്ഥാപിതമായതാണ്. ഇന്ന് 78 രാജ്യങ്ങളിൽ മഹത്തായ രീതിയിൽ പ്രവർത്തിക്കുന്നു, ആഗോളതലത്തിൽ 330,000ലധികം അംഗങ്ങളെ ബന്ധിപ്പിക്കുന്നു.

ബി എൻ ഐ ഓരോ വർഷവും 14 മില്ല്യൺ റഫറലുകൾ സൗകര്യമൊരുക്കുകയും ശരാശരി 24 ബില്ല്യൺ യുഎസ് ഡോളറിന്റെ ബിസിനസ്സ് സൃഷ്ടിക്കുകയും ചെയ്യുന്നു എന്നും അദ്ദേഹം കൂട്ടി ചേർത്തു.

ബി എൻ ഐ ബഹ്‌റൈൻ, പ്രാദേശിക ബിസിനസുകളെ അന്താരാഷ്ട്ര വിപണികളുമായി ബന്ധിപ്പിക്കാനും ബഹ്‌റൈനിൽ ആഗോള ബിസിനസുകൾക്ക് അവസരങ്ങൾ സൃഷ്ടിക്കാനും ബി എൻ ഐയുടെ ആഗോള ദൗത്യത്തിന് കഴിയുമെന്നും “ഗിവേഴ്‌സ് ഗെയിൻ” തത്വശാസ്ത്രവുമായി, ബി എൻ ഐ ബഹ്‌റൈൻ അതിന്റെ അംഗങ്ങൾക്ക് പ്രൊഫഷണൽ, വ്യക്തിപരമായ വളർച്ച പ്രോത്സാഹിപ്പിക്കുന്ന അർത്ഥപൂർണ്ണമായ ബന്ധങ്ങൾ വളർത്തുന്നുണ്ടെന്നുന്നും സെമിനാർ വിലയിരുത്തി .