പയസ്വിനി അബുദാബിയുടെ വിഭാവരി' പോസ്റ്റർ പ്രകാശനം ഡോ. അബുബക്കർ കുറ്റിക്കോൽ നിർവഹിച്ചു

അബുദാബി: അബുദാബിയിലെ കാസർകോട്കാരുടെ കുടുംബ കൂട്ടായ്മയായ പയസ്വിനി അബുദാബി ഓണാഘോഷത്തിൻ്റെ ഭാഗമായി നടത്തുന്ന വിഭാവരി' എന്ന സംഗീത പരിപാടിയുടെ പോസ്റ്റർ പ്രകാശനം കാസർകോട്ട്കാരനും സേഫ് ലൈൻ ഗ്രൂപ്പ് ഓഫ് കമ്പനീസിൻ്റെ മാനേജിംഗ് ഡയറക്ടർ ഡോ. അബുബക്കർ കുറ്റിക്കോൽ നിർവഹിച്ചു.

ഏട്ട് വർഷങ്ങൾക്ക് മുമ്പ് നിലവിൽ വന്ന പയസ്വിനി കുടുംബ കൂട്ടായ്മ വൈവിധ്യവും വ്യത്യസ്തങ്ങളായ പ്രവർത്തനങ്ങളുമായി ചുരുങ്ങിയ സമയത്തിനുള്ളിൽ അബുദാബിയിലെ പൊതു സമൂഹത്തിനിടയിലെ പ്രധാന സംഘടനകളിൽ ഒന്നായി മാറിയിരിക്കുകയാണ്. ഇതിനു മുമ്പ് ഇൻ്റർനാഷനൽ കബഡി താരങ്ങളെ പങ്കെടുപ്പിച്ച് കൊണ്ട് നടത്തിയ അഖിലേന്ത്യാ കബഡി ടൂർണ്ണമെൻ്റ് അബുദാബിയിലെ കായിക പ്രേമികൾക്കിടയിൽ ഏറെ പ്രശംസ പിടിച്ചു പറ്റിയിരുന്നു. വിഭാവരി എന്ന പുതുമയുള്ള പേര് പോലെ അബുദാബിയിലെ സംഗീത ആസ്വാദകർക്ക് എന്നും ഓർത്ത് വെക്കുവാൻ പറ്റുന്ന ഒരു പരിപാടിയായിരിക്കും ഇതെന്ന് പയസ്വിനി ഭാരവാഹികൾ പറഞ്ഞു.