ദുബായില്‍ മലയാളി യുവാവ് നിര്യാതനായി

ദുബായ്: ദുബായില്‍ മലയാളി യുവാവ് നിര്യാതനായി. കോഴിക്കോട്‌ വടകര തോടന്നൂർ മീത്തലെ രയരോത്ത് രതീഷ് ബാബു (46) ആണ് മരിച്ചത്. നൈഫ് ഭാഗത്ത് വെച്ച്​ റോഡരികിൽ കുഴഞ്ഞു വീഴുകയായിരുന്നു. ഉടന്‍ ആശുപത്രിയിലെത്തിച്ചെങ്കിലും രക്ഷിക്കാനായില്ല.

ബര്‍ദുബൈയിലെ താമസസ്ഥലത്തുനിന്ന് ദേരയിലെ ജോലി സ്ഥലത്തേക്ക് നടക്കുന്നതിനിടെയാണ് കുഴഞ്ഞുവീണത്. വിമുക്തസൈനികനായ രതീഷ് ദുബായില്‍ സ്വകാര്യ കമ്പനിയിൽ സൂപ്പർവൈസറായി അടുത്തിടെയാണ് ജോലിയില്‍ പ്രവേശിച്ചത്. ഭാര്യ: വിജില. മക്കൾ: അഭയ് കൃഷ്ണ, ഋതു കൃഷ്ണ.