അബുദാബിയിലെ താമസസ്ഥലത്ത് മലയാളി ഡോക്ടറെ മരിച്ച നിലയിൽ കണ്ടെത്തി; മരിച്ചത് കണ്ണൂർ തളാപ്പ് സ്വദേശിനി ഡോ. ധനലക്ഷ്മി

അബുദാബി: അബുദാബിയിലെ താമസസ്ഥലത്ത് മലയാളി ഡോക്ടറെ മരിച്ച നിലയിൽ കണ്ടെത്തി. കണ്ണൂർ തളാപ്പ് സ്വദേശിനി ഡോ. ധനലക്ഷ്മി (54) ആണ് മരിച്ചത്. രണ്ട് ദിവസമായി ഫോണിൽ വിളിച്ചിട്ട് കിട്ടാതിരുന്നതിനെ തുടർന്ന് സുഹൃത്തുക്കൾ അന്വേഷിച്ചപ്പോഴാണ് മരിച്ച നിലയിൽ കണ്ടെത്തിയത്. തിങ്കളാഴ്ച രാത്രി മുസഫ ഷാബിയിലുള്ള താമസസ്ഥലത്തായിരുന്നു മൃതദേഹം. 

മുസഫ ലൈഫ് കെയർ ഹോസ്പിറ്റലിൽ ഡോക്ടറായി ജോലി ചെയ്യുകയായിരുന്നു ധനലക്ഷ്മി.
ഭർത്താവ് സുജിത്ത് നാട്ടിലാണ്. കണ്ണൂരിലെ ആനന്ദകൃഷ്ണ ബസ് സർവീസ് ഉടമസ്ഥനായിരുന്ന പരേതനായ നാരായണന്റെയും ചന്ദ്രമതിയുടെയും മകളാണ് ഡോ. ധനലക്ഷ്മി. ആനന്ദകൃഷ്ണൻ, ശിവറാം, ഡോ. സീതാലക്ഷ്മി എന്നിവരാണ് സഹോദരങ്ങൾ. മൃതദേഹം നാട്ടിലേക്ക് കൊണ്ടുപോകാനുള്ള നടപടിക്രമങ്ങൾ പുരോഗമിക്കുകയാണ്.