സ്നേഹസ്പർശം 2025 പരിപാടി. എപിജെ അബ്ദുൽ കലാം ട്രിബൽ സ്കൂൾ വിദ്യാർഥികൾക്കും അമ്മമാർക്കും സ്വീകരണം നൽകി

ഷാർജ : വേൾഡ് മലയാളീ കൗൺസിലും ഉൽ ക്വാവിൻ നടത്തിയ സ്നേഹസ്പർശം 2025 പരിപാടിയിൽ എപിജെ അബ്ദുൽ കലാം ട്രിബൽ സ്കൂളിലെ മാനേജരും സാമൂഹിക പ്രവർത്തകയുമായ ഉമാ പ്രേമൻ വിദ്യാർഥികളായ നിധീഷിനും നിഖിലേഷിനും അവരുടെ അമ്മമാർക്കും ഷാർജ സ്പാർക് ബാഡ്മിന്റൺ ഹാളിൽ സ്വീകരണം നൽകി.

കഴിഞ്ഞ മൂന്നു ദിവസത്തിലേറെയായി ദുബൈയിൽ വിവിധ സ്ഥലങ്ങളിൽ സന്ദർശിച്ചു വരികയാണ് ഇവർ. ഡബ്ല്യുഎംസി മിഡിൽ ഈസ്റ്റ് ചെയർമാൻ ചെയർമാൻ സന്തോഷ്‌ കേട്ടത്, അനിത സന്തോഷ് എന്നിവരാണ് ഇതിനുള്ള അവസരം ഒരുക്കിയത്.

 ചടങ്ങിൽ പ്രവാസ ഭൂമിയിൽ 50 വർഷം പൂർത്തിയാക്കിയ  പ്രമുഖ വ്യവസായി ജോർജ് മത്തായിയെ ആദരിച്ചു. ഡബ്ല്യുഎംസി യുഎക്യു ചെയർമാൻ ചാക്കോ ഊളക്കാടൻ, പ്രസിഡന്റ്‌ സുനിൽ ഗംഗാദധരൻ, സെക്രട്ടറി മാത്യു ഫിലിപ്പ്, ജോയിന്റ് ട്രഷറിർ ഉണ്ണികൃഷ്ണൻ എന്നിവർ സംസാരിച്ചു.

ഡബ്ല്യുഎംസി  ഗ്ലോബൽ അംബാസ്സിഡർ,  ഐസക് ജോൺ പട്ടാണിപ്പറമ്പിൽ മുഖ്യ പ്രഭാഷണം നടത്തി.. കൂടാതെ,ഡബ്ല്യുഎംസി  യുഎക്യുയുടെ പുതിയ ഭാരവാഹികളുടെ പട്ടിക സന്തോഷ്‌ കേട്ടത് പ്രഖ്യാപിച്ചു. തുടർന്ന് ഡബ്ല്യുഎംസി  മിഡിൽ ഈസ്റ്റ്‌ ഭാരവാഹികൾ, മറ്റു പ്രമുഖർ ആശംസ പ്രസംഗം നടത്തി.

കാരുണ്യ പ്രവർത്തനത്തിൽ ദുബായിലെ പ്രവാസികൾ എന്നും ഒരുപാട് മുമ്പിലാണെന്നും, എപിജെ അബ്ദുൽ കലാം സ്കൂൾ ഇന്നും തുടർന്ന് പോകുന്നതും പ്രവാസികളുടെ അകമഴിഞ്ഞ സഹകരണം കൊണ്ട് മാത്രമാണെന്നും ഉമ പ്രേമൻ പറഞ്ഞു. ചടങ്ങുകൾ രാജു പയ്യന്നൂർ നിയന്ത്രിക്കുകയും, ഇഗ്നെഷ്യസ്സ് നന്ദി പ്രകാശിപ്പിക്കുകയും ചെയ്തു.