പ്രവാസി മലയാളികൾക്ക് സന്തോഷ വാർത്ത; ദോഹ-തിരുവനന്തപുരം നോൺ സ്റ്റോപ്പ്‌ സർവീസ് എയർ ഇന്ത്യ പ്രഖ്യാപിച്ചു. യാഥാർത്ഥ്യമാവുന്നത് വർഷങ്ങളായുള്ള ആവശ്യം. ആദ്യ സർവീസ് ഒക്ടോബർ 29ന്

ദോഹ: പ്രവാസികളുടെ വർഷങ്ങളായുള്ള ആവശ്യം യാഥാർത്ഥ്യമാവുന്നു. ഖത്തറിൽ നിന്ന് തിരുവനന്തപുരത്തേക്ക്‌ എയർ ഇന്ത്യ എക്സ്പ്രസ് നോൺസ്റ്റോപ് സർവീസ് പ്രഖ്യാപിച്ചു. ഒക്ടോബർ 29ന് സർവീസ് ആരംഭിക്കും. 

ബുക്കിങ് കഴിഞ്ഞ ദിവസം തുടങ്ങിയിട്ടുണ്ട്. ആഴ്ചയിൽ നാലു ദിവസമാണ് ദോഹയിൽ നിന്ന് തിരുവനന്തപുരത്തേക്കും തിരുവനന്തപുരത്ത് നിന്ന് ദോഹ സെക്ടറിലേക്കും നേരിട്ട് വിമാനം പറക്കും.

എയർ ഇന്ത്യ എക്സ്പ്രസിന്റെ ശൈത്യകാല ഷെഡ്യൂളിൽ ഉൾപ്പെടുത്തിയാണ് ദോഹയിൽ നിന്നുള്ള നോൺ സ്റ്റോപ്പ് സർവീസുകൾ പ്രഖ്യാപിച്ചിട്ടുള്ളത്. ഇതിൽ ചൊവ്വ, വ്യാഴം, ശനി, ഞായർ ദിവസങ്ങളിൽ ദോഹയിൽ നിന്നും തിരുവനന്തപുരത്തേക്കും

ചൊവ്വ, വ്യാഴം, വെള്ളി, ഞായർ ദിവസങ്ങളിൽ തിരുവനന്തപുരത്തു നിന്ന് ദോഹയിലേക്കുമായിരിക്കും നോൺ സ്റ്റോപ്പ്‌ സർവീസ് ഉണ്ടാകുക.