ടിക്കറ്റ് നിരക്കിൽ എയർ ഇന്ത്യയുടെ വമ്പൻ ഓഫർ! 20ന് മുമ്പ് ബുക്ക്‌ ചെയ്താൽ 15% ഇളവ്! ദോഹ-മുംബൈ-ഡൽഹി റൂട്ടുകളിലാണ് ഓഫർ; ഓഫർ ഞായറാഴ്ച അവസാനിക്കും

ദോഹ: ടിക്കറ്റ് നിരക്കിൽ വമ്പൻ ഓഫർ പ്രഖ്യാപിച്ച് എയർ ഇന്ത്യ. ദോഹയിൽ നിന്നും മുംബൈ, ഡൽഹി റൂട്ടുകളിലേക്കും തിരിച്ചുമുള്ള ടിക്കറ്റ്​ നിരക്കിലാണ് ഇളവ് ലഭിക്കുക

ബിസിനസ്, ഇകണോമി കാബിനുകളിൽ പത്തു ശതമാനം വരെയാണ്​ നാട്ടിലേക്കും, തിരികെയുമുള്ള ടിക്കറ്റുകൾക്ക്​ ഇളവുകൾ ലഭിക്കുക. സെപ്​റ്റംബർ 15നും ഒക്​ടോബർ 31നും ഇടയിൽ യാത്ര ചെയ്യുന്നവർക്കാണ് ഇളവ്​ ലഭ്യമാവുകയെന്ന്​ എയർ ഇന്ത്യ അറിയിച്ചു.

അതേസമയം ഗൾഫ്​ സെക്​ടറിൽ തെരഞ്ഞെടുത്ത നഗരങ്ങളിലേക്കുള്ള യാത്രകൾക്ക്​ മാത്രമാണ് ആനുകൂല്യം ലഭ്യമാകുക​. വ്യാഴാഴ്​ച പുലർച്ചെ ആരംഭിച്ച ഓഫർ ഞായറാഴ്ച​ അർധരാത്രിയോടെ അവസാനിക്കുകയും ചെയ്യും. 

അതിന്​ മുൻപായി ബുക്ക്​ ചെയ്യുന്നവർക്ക്​ നിശ്​ചിത റൂട്ടുകളിൽ 10 മുതൽ 15ശതമാനം വരെ നിരക്ക്​ ഇളവിൽ ടിക്കറ്റുകൾ സ്വന്തമാക്കാവുന്നതാണ്. വൺവേ, റി​ട്ടേൺ ഫ്ലൈറ്റുകൾ ഉൾപ്പെടെ ഈ യാത്രാ നിരക്കിളവ്​ ബാധകമാണെന്ന് എയർ ഇന്ത്യ അറിയിച്ചു.

എന്നാൽ ഗ്രൂപ്പ്​ ടിക്കറ്റ്​ ബുക്കിങ്ങിന് ഈ ഇളവ്​ ലഭിക്കില്ല. അതേസമയം ഫ്ലൈ എയർ ഇന്ത്യ സെയിൽ എന്ന ഓഫറുമായാണ്​ ​ഗൾഫിൽ നിന്നും യൂറോപ്പ്​, സാർക്​ രാജ്യങ്ങൾ എന്നിവിടങ്ങളിലേക്കുള്ള യാത്രക്കാരെ ലക്ഷ്യമിട്ടിരിക്കുന്നത്​. 

കൂടാതെ സാർക്​ രാജ്യങ്ങളായ ശ്രീലങ്ക, ബംഗ്ലാദേശ്​, മാലദ്വീപ്, നേപ്പാൾ എന്നിവടങ്ങളിലേക്കുള്ള യാത്രയ്ക്ക്‌ 15 ശതമാനവും, ഇന്ത്യ- യൂറോപ്പ്​ യാത്രയിൽ 30 മുതൽ 50 ശതമാനവും ഇന്ത്യ -സൗത്ത്​ ഈസ്​റ്റ്​ ഏഷ്യൻ 10 ശതമാനവുമാണ് ഇളവ് പ്രഖ്യാപിച്ചിരിക്കുന്നത്.