രാജീവ് ഗാന്ധി സദ്ഭാവന പുരസ്കാരം ചാണ്ടി ഉമ്മൻ എം.എൽ.എയ്ക്ക്

ദോഹ ∙ മുൻ പ്രധാനമന്ത്രി ഭാരതരത്ന രാജീവ് ഗാന്ധിയുടെ സ്മരണാർത്ഥം ഓഐസിസി–ഇൻകാസ് ഖത്തർ സെൻട്രൽ കമ്മിറ്റി ഏർപ്പെടുത്തിയ പ്രഥമ രാജീവ് ഗാന്ധി സദ്ഭാവന പുരസ്കാരം ദോഹയിൽ നടന്ന സമ്മേളനത്തിൽ ചാണ്ടി ഉമ്മൻ എം.എൽ.എ ഏറ്റുവാങ്ങി.

ഓഐസിസി ഇൻകാസ് രൂപീകരിച്ച അഞ്ചംഗ ജൂറിയാണ് പുരസ്കാരത്തിനായി ചാണ്ടി ഉമ്മനെ തെരഞ്ഞെടുത്തത്. അവാർഡ്, ഉമ്മൻ ചാണ്ടി ഫൗണ്ടേഷൻ മിഡിൽ ഈസ്റ്റ് ചെയർമാൻ &' OICC -INCAS ഗ്ലോബൽ കമ്മിറ്റി മുൻ സംഘടനാ കാര്യ ജന:സെക്രട്ടറി യുമായ രാജു കല്ലുംപുറം സമ്മാനിച്ചു.വർക്കിംഗ് പ്രസിഡണ്ടുമാരായ ജീസ് ജോസഫ് ,നാസ്സർ വടക്കേക്കാട് എന്നിവർ ചേർന്ന് പൊന്നാs യണിയിച്ചു ആദരിച്ചു.

രാജീവ് ഗാന്ധിയുടെ നാമത്തിൽ അവാർഡ് ലഭിച്ചതിൽ വലിയ സന്തോഷവും അഭിമാനവും അനുഭവിക്കുന്നുഎന്നും.കുഞ്ഞുനാൾ മുതൽ തന്നെ ഏറ്റവും സ്നേഹിക്കുകയും ബഹുമാനിക്കുകയും ചെയ്ത നേതാവാണ് രാജീവ് ഗാന്ധി. തൻ്റെ ജീവിതത്തിലെ ഏറ്റവും വലിയ ബഹുമതിയും അംഗീകാരവുമായാണ് താൻ ഈ പുരസ്കാരത്തെ കാണുന്നത് എന്നും' അദ്ദേഹം കൂട്ടി ചേർത്തു.

“രാജീവ് ഗാന്ധിയുടെ ദീർഘദർശന പദ്ധതികളും പരിപാടികളും ലക്ഷക്കണക്കിന് ചെറുപ്പക്കാരുടെയും രാജ്യത്തിന്റെയും സ്വപ്നങ്ങൾക്ക് അടിത്തറയായി. ഇന്ന് ഇന്ത്യ കാണുന്ന എല്ലാ പുരോഗതികൾക്കും അദ്ദേഹം അടിസ്ഥാനമിട്ടു. രാജ്യം ഒരിക്കലും രാജീവ് ഗാന്ധിയെ മറക്കില്ല.”

അവാർഡിനായി തന്നെ തെരഞ്ഞെടുത്ത ജൂറിയ്ക്കും, ഓഐസിസി ഇൻകാസ് ഖത്തറിനും നന്ദി അറിയിച്ച അദ്ദേഹം, “മറ്റേതൊരു അംഗീകാരത്തേക്കാളും ഈ പുരസ്കാരത്തെ ഞാൻ വിലമതിക്കുന്നു” എന്നും വ്യക്തമാക്കി.

ചടങ്ങിന്റെ ഭാഗമായി ദോഹയിലെ പ്രമുഖ വ്യക്തിത്വങ്ങളെ ആദരിച്ചു.

ചടങ്ങിൽ സംസാരിച്ച ചാണ്ടി ഉമ്മൻ എം.എൽ.എ, “രാജീവ് ഗാന്ധിയുടെ നാമത്തിൽ പുരസ്കാരം ലഭിക്കുന്നത് തൻ്റെ ജീവിതത്തിലെ ഏറ്റവും വലിയ ബഹുമതിയും അംഗീകാരവുമാണ്” എന്ന് അഭിപ്രായപ്പെട്ടു. രാജീവ് ഗാന്ധിയുടെ ദീർഘദർശന പദ്ധതികൾ ഇന്ത്യയുടെ പുരോഗതിക്ക് അടിത്തറയായെന്നും രാജ്യം അദ്ദേഹത്തെ ഒരിക്കലും മറക്കില്ലെന്നും അദ്ദേഹം പറഞ്ഞു.

മറ്റ് അവാർഡുകൾ

ബിസിനസ്, കമ്മ്യൂണിറ്റി സർവീസ്, സ്പോർട്സ്, എജ്യുക്കേഷൻ, സർവീസ്, ടാലന്റ് വിഭാഗങ്ങളിൽ നിരവധി പ്രമുഖർക്ക് എക്സലൻസ് അവാർഡുകൾ നൽകി.
• ബിസിനസ് & സോഷ്യൽ സർവീസ് എക്സലൻസ്: എ.കെ. ഉസ്മാൻ
• ബിസിനസ് എക്സലൻസ്: മിബുജോസ് നെറ്റിക്കാടൻ, ഡോ. റോണി പോൾ, അനസ് മെയ്തീൻ, ജെബി .കെ. ജോൺ, പ്രവീൺ കുമാർ
• കമ്മ്യൂണിറ്റി സർവീസ്: മിലൻ അരുൺ, ജയന്തി മൊയ്ത്ര, രവി ഷെട്ടി
• സ്പോർട്സ്: റേഹാൻ ജെറി, എയിറിൻ എലിസബത്ത്
• എജ്യുക്കേഷൻ: ഡോ. സിനിൽ മുബാറക്ക്
• ടാലന്റ്: നതാലിയ ലീല വിപിൻ

പങ്കെടുത്തവർ

ചടങ്ങിൽ വർക്കിംഗ് പ്രസിഡണ്ട് ജൂട്ടസ് പോൾ അധ്യക്ഷത വഹിച്ചു. ജനറൽ സെക്രട്ടറി ശ്രീജിത്ത് എസ് നായർ സ്വാഗതം ആശംസിച്ചു. അഡ്വൈസറി ബോർഡ് ചെയർമാൻ ജോൺ ഗിൽബർട്ട്, മാനർ വൈസ് പ്രസിഡണ്ടുമാരായ സലീം ഇടശ്ശേരി, ഷംസുദ്ദീൻ ഇസ്മയിൽ, ജനറൽ സെക്രട്ടറിമാരായ നിഹാസ് കൊടിയേരി, മുജീബ് വലിയകത്ത് ,യൂത്ത് വിംഗ് പ്രസിഡണ്ട് നദിം മാനാർ എന്നിവർ സംസാരിച്ചു. സെൻട്രൽ കമ്മറ്റി ഭാരവാഹികളായ ജോർജ്ജ്കുരുവിള, മുബാറക്ക് ,KTK, ഷാഹിൻ,പ്രശോഭ് ,ലിയോ,നെവിൻ,നൗഷാദ് എന്നിവർ ചടങ്ങുകൾ നിയന്ത്രിച്ചു. ട്രഷറർ ജോർജ്ജ് അഗസ്റ്റിൻ നന്ദി രേഖപ്പെടുത്തി.