റോഡ് മുറിച്ചു കടക്കവെ വാഹനമിടിച്ച് പ്രവാസി മലയാളി മരിച്ചു. അപകടം നടന്നത് ജോലി കഴിഞ്ഞ് മടങ്ങുന്ന വഴി

റിയാദ്: മക്കയിൽ വാഹനമിടിച്ച് മലയാളി മരിച്ചു. പാലക്കാട് പട്ടാമ്പി പള്ളിപുറം നാടപ്പറമ്പ് സ്വദേശി ശാഹുൽ ഹമീദ് (46) ആണ് മരിച്ചത്. മക്കയിലെ ഷൗക്കിയയിൽ സമൂസ കച്ചവടം നടത്തുകയായിരുന്നു ഇദ്ദേഹം.

കടയിൽ ജോലി ചെയ്തുവരികയായിരുന്ന ഇദ്ദേഹം രാത്രി ജോലി കഴിഞ്ഞതിനുശേഷം റോഡ് മുറിച്ചുകടക്കവെ എതിരെ വന്ന ലക്സസ് വാഹനമിടിച്ച് തൽക്ഷണം മരിക്കുകയായിരുന്നു.

ഡോ. ഇവാൾ അൽ ബഷരി ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടികൾ പൂർത്തിയാക്കി മക്കയിൽ ഖബറടക്കുമെന്ന് ബന്ധുകൾ അറിയിച്ചു. ഭാര്യ: വഹീദ, മക്കൾ: അബ്ദുൽ ബാസിത്, ഫെമിത, ഫർസാന, മിസ്ബാഹ്.