/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/QRfFm0XVFVQ5jFsELUP1.jpg)
റിയാദ്: കേളി കലാസാംസ്‌കാരിക വേദി അല്‍ഖര്‍ജ് ഏരിയയുടെ നേതൃത്വത്തില്‍ നടക്കുന്ന രണ്ടാമത് 'മിന-കേളി സോക്കര്‍ 2024' ഫുട്ബോള്‍ ടൂര്‍ണമെന്റിന്റെ സെമിഫൈനല്‍ മത്സരങ്ങള്‍ അടുത്ത ആഴ്ച നടക്കും.
കഴിഞ്ഞ ദിവസം നടന്ന വാശിയേറിയ ക്വാട്ടര്‍ ഫൈനല്‍ മത്സരത്തില്‍ യൂത്ത് ഇന്ത്യ എഫ്.സി, ലാന്റേണ്‍ എഫ്.സി, റിയല്‍ കേരള എഫ്.സി, അല്‍ഖര്‍ജ് നൈറ്റ് റൈഡേഴ്സ് എന്നിവര്‍ സെമിഫൈനലില്‍ കടന്നു.
ക്വാട്ടര്‍ ഫൈനലിലെ ആദ്യ മത്സരത്തില്‍ ഫ്യൂച്ചര്‍ മൊബൈലിറ്റി യൂത്ത് ഇന്ത്യ എഫ് സിയും ഫെഡ് ഫൈറ്റര്‍സ് റിയാദും തമ്മില്‍ മാറ്റുരച്ചു. ഏകപക്ഷീയമായ രണ്ട് ഗോളുകള്‍ക്ക് യൂത്ത് ഇന്ത്യ വിജയിച്ചു. മത്സരത്തിന്റെ ആദ്യ പകുതി ഗോള്‍ രഹിത സമനിലയില്‍ പിരിഞ്ഞപ്പോള്‍ രണ്ടാം പകുതിയുടെ പത്താം മിനിട്ടില്‍ യൂത്ത് ഇന്ത്യക്ക് അനുകൂലമായി ലഭിച്ച പെനാല്‍റ്റിയിലൂടെ പതിനൊന്നാം നമ്പര്‍ താരം അഖില്‍ ടീമിനെ മുന്നിലെത്തിച്ചു.
പതിനേഴാം മിനുട്ടില്‍ പന്ത്രണ്ടാം നമ്പര്‍ താരം നുഫൈല്‍ നേടിയ മനോഹരമായ ഗോളിലൂടെ യൂത്ത് ഇന്ത്യ സെമി ഫൈനല്‍ ബര്‍ത്ത് ഉറപ്പിച്ചു. മികച്ച അവസരങ്ങള്‍ ഒരുക്കി നല്‍കിയും അച്ചടക്കത്തോടെയുള്ള കളിയും പരിഗണിച്ച് യൂത്ത് ഇന്ത്യന്‍ താരം ഷാമില്‍ സലാമിനെ നല്ല കളിക്കാരനായി തെരഞ്ഞെടുത്തു.
വിര്‍ച്വല്‍ സൊലൂഷ്യന്‍ ലോജിസ്റ്റിക് സുലൈ എഫ്.സി-അല്‍ ഹവാസിം സ്വീറ്റ്സ് ലാന്റെണ്‍ എഫ് സിയും തമ്മില്‍ മാറ്റുരച്ച രണ്ടാമത്തെ മത്സരം ഗോള്‍ രഹിത സമനിലയില്‍ പിരിഞ്ഞു. പെനാല്‍റ്റി ഷൂട്ടൗട്ടിലേക്ക് നീങ്ങിയ അത്യന്തം വാശിയേറിയ മത്സരത്തില്‍ രണ്ടിനെതിരെ മൂന്ന് ഗോളുകള്‍ നേടി ലാന്റേണ്‍ എഫ്.സി സെമിയില്‍ കടന്നു. കളിയിലെ കേമനായി ലാന്റേണ്‍ എഫ്.സി താരം ആദിലിനെ തെരഞ്ഞെടുത്തു.
കാന്റില്‍ നൈറ്റ് ട്രെയ്ഡേഴ്‌സിങ്ങ് കമ്പനി റിയല്‍ കേരള എഫ്.സിയും റെഡ്സ്റ്റാറും എഫ്.സിയും തമ്മിലുള്ള മൂന്നാമത്തെ മത്സരത്തില്‍ ഒരു ഗോളിന് റിയല്‍ കേരള എഫ്.സി വിജയിച്ചു. കളി അവസാനിക്കാന്‍ രണ്ട് മിനുട്ട് ബാക്കിയിരിക്കെയാണ് റിയല്‍ കേരളയുടെ ആറാം നമ്പര്‍ താരം നജീബ് മനോഹരമായ ഗോള്‍ നേടിയത്. മികച്ച കളിക്കാരനായി തെരഞ്ഞെടുത്തതും നജീബിനെയായിരുന്നു.
അല്‍ഖര്‍ജ് നൈറ്റ് റൈഡേഴ്സ് റിയാദ് ബ്ലാസ്റ്റേഴ്‌സും ഡബ്ല്യൂ എം.എഫ് അല്‍ഖര്‍ജും തമ്മില്‍ മാറ്റുരച്ചനാലാമത്തെ മത്സരത്തില്‍ ഏകപക്ഷീയമായ രണ്ട് ഗോളുകള്‍ക്ക് അല്‍ഖര്‍ജ് നൈറ്റ് റൈഡേഴ്സ് വിജയം കരസസ്ഥമാക്കി. നൈറ്റ് റൈഡേഴ്സിനുവേണ്ടി മൂന്നാം നമ്പര്‍ താരം ഷിബിനും അഞ്ചാം നമ്പര്‍ താരം റാഷീക്കും ഒരോ ഗോള്‍ വീതം നേടി.
അല്‍ഖര്‍ജ് നൈറ്റ് റൈഡേഴ്സ് താരം റാഫിയെയാണ് മികച്ച കളിക്കാരനായി തെരഞ്ഞെടുത്തത്. സെമി ഫൈനല്‍ മത്സരങ്ങള്‍ഒക്ടോബര്‍ പത്തിന് നടക്കുന്ന സെമി ഫൈനല്‍ മത്സരങ്ങളില്‍
യൂത്ത് ഇന്ത്യ എഫ്.സി-ലാന്റേണ്‍ എഫ്.സിയേയും, റിയല്‍ കേരള എഫ്.സി-അല്‍ഖര്‍ജ് നൈറ്റ് റൈഡേഴ്സിനെയും നേരിടും.