'വൈവിധ്യങ്ങളുടെ ഇന്ത്യ', ഐ സി എഫ് പൗരസഭ സംഘടിപ്പിച്ചു

ദമ്മാം: ഇന്ത്യയുടെ 78-ാ‍ം സ്വാതന്ത്ര്യദിന ആഘോഷത്തിന്റെ ഭാഗമായി ഐസിഎഫ് സീക്കോ സെക്ടർ ‘വൈവിധ്യങ്ങളുടെ ഇന്ത്യ’ എന്ന ശീർഷകത്തിൽ പൗരസഭ സംഘടിപ്പിച്ചു. 

നൂറ്റാണ്ടുകളോളം അടിമത്വത്തിന് കീഴിൽ ഞെരിഞ്ഞമർന്നിരുന്ന നമ്മുടെ രാജ്യത്തിന് സ്വാതന്ത്ര്യം നേടിത്തന്ന പൂർവികരെ അനുസ്മരിക്കാതെ നമുക്ക് മുന്നേറാൻ കഴിയില്ലെന്നും രാജ്യത്തിൻറെ ഓരോ ചുവടിലും എല്ലാ വിഭാഗങ്ങളിലും പെട്ട മനുഷ്യരുടെ അധ്വാനമുണ്ട്.

ലോകത്തിലെ ഏറ്റവും വലിയ ജനാധിപത്യ രാജ്യമായി ഇന്നും ഇന്ത്യ നിലനിൽക്കുന്നതിൽ നമ്മുടെ ഭരണഘടനയ്ക്ക് മുഖ്യ സ്ഥാനമാണ് ഉള്ളത്, ഭരണഘടനയ്ക്ക് എതിരായ ചെറിയ നീക്കത്തെ പോലും നമ്മൾ ഇന്ത്യൻ ജനത ഒന്നിച്ച് മറികടക്കണമെന്നും പൗരസഭ അഭിപ്രായപ്പെട്ടു.

നാടിന്റെ എല്ലാ ചലനങ്ങളെയും സസൂക്ഷ്മം വീക്ഷിക്കുന്ന പ്രവാസികൾ തങ്ങളുടെ ജന്മനാടിന്റെ സ്വാതന്ത്ര്യദിനം ആഹ്ളാദപൂർവമാണ് കൊണ്ടാടുന്നത്.

സഅദിയ ഹാളിൽ നടന്ന പരിപാടിയിൽ സെക്ടർ അഡ്മിൻ പ്രസിഡണ്ട് ഹൈദർ അൻവരി അദ്ധ്യക്ഷത വഹിച്ചു. സെൻട്രൽ ദാഇ മുഹമ്മദ് അമാനി ഉത്ഘാടനം ചെയ്തു. സെന്റ്രൽ ജനറൽ സെക്രട്ടറി അബ്ബാസ് തെന്നല പ്രമേയ പ്രഭാഷണം നടത്തി.

എൻഎച് ജാഫർസ്വാദിഖ്, ഡോക്ടർ മഹ്‌മൂദ് മൂത്തേടം, സലാം സഖാഫി, അബ്ദുൽഖാദർ സഅദി, ഹബീബ് സഖാഫി, അബ്ബാസ് ഹാജി കുഞ്ചാർ എന്നിവർ സംസാരിച്ചു. അബൂബക്കർ സഅദി സ്വാഗതവും റിയാസ് മിഅ്റാജ് നന്ദിയും പറഞ്ഞു.