200 കാൻസർ രോഗികൾക്ക് സാമ്പത്തിക സഹായം പ്രഖ്യാപിച്ച് മൈത്രി കരുനാഗപ്പള്ളി കൂട്ടായ്മ

റിയാദ്: മൈത്രി കരുനാഗപ്പള്ളി കൂട്ടായ്മയു ടെ 19 ാം വാർഷികത്തോടനുബന്ധിച്ച് മലാസ് ഡൂണ്സ് ഇന്റർനാഷണൽ സ്കൂൾ ഓഡിറേറാറിയത്തിൽ വെച്ച് സംഘടിപ്പിച്ച 'മൈത്രി കേരളീയം 2024' എന്ന പരിപാടി യിൽ 200 കാൻസർ രോഗികൾക്ക് സാമ്പത്തിക സഹായം പ്രഖ്യാപിച്ചു. കേരളപ്പിറവി ദിനാഘോഷവും വാര്ഷികാഘോഷ പരിപാടിയും എൻ .കെ പ്രേമചന്ദ്രൻ എം.പി ഉദ്ഘാടനം ചെയ്തു.  

മൈത്രി വാർഷികാഘോഷത്തോടനുബന്ധിച്ച് നടന്ന ഉജ്ജ്വല സമ്മേളനം, വര്ണ്ണാഭമായ ഘോഷയാത്ര, വൈവിധ്യമാർന്ന താളമേളങ്ങൾ , കേരളത്തിന്റെ സംസ്കാരവും പൈതൃകവും വിളംബരം ചെയ്യുന്ന കേരളീയം ന്യത്താവിഷ്കാരം, ന്യത്ത ന്യത്യങ്ങൾ , ഗാന സന്ധ്യ കൂടാതെ അറബിക് മ്യൂസിക്ക് ബാന്റ് എന്നിവ കാണികൾക്ക് വിസ്മയകരമായ ഒരു അനൂഭവമായി മാറി.

പ്രവാസ ലോകത്ത് ജീവിക്കുന്ന സഹോദരന്മാരുടെ മാനസികമായിട്ടുള്ള സൗഹ്യദം,ഐക്യം, സാഹോദര്യ മാനോഭാവം, പരസ്പ്പര വിശ്വാസം സഹകരണത്തിനദിഷ്ടിതമായിട്ടുള്ള യോജിച്ച പ്രവര്ത്തനം, കേരളത്തിന് നഷ്ടപ്പെട്ട മൂല്യങ്ങൾ കാണണമെന്നുണ്ടെങ്കിൽ സത്യത്തിൽ പ്രവാസ ലോകത്ത് വന്നാൽ നമുക്ക് അത് ബൊധ്യപ്പെടുമെന്ന് എം.കെ പ്രേമചന്ദ്രൻ എം.പി. 

ഇവിടെ ജാതിമത ഭേദങ്ങൾ ഇല്ല രാഷ്ട്രീയ വ്യത്യാസങ്ങളൾ , ഇല്ല മുന്നണിപരമായ വ്യത്യാസങ്ങൾ ഇല്ല, വിവാദങ്ങൾ ഇല്ല, തര്ക്കങ്ങൾ ഇല്ല, എല്ലാവരും അവരവരുടെ ജോലി കഠിനാദ്വാനത്തൊടുകൂടി നിർവ്വഹിക്കുമ്പോഴും സമൂഹത്തിന്റെ നന്മക്കായി പ്രവര്ത്തിക്കാൻ , ജീവകാരുണ്യപ്രവര്ത്തനങ്ങൾക്ക് നേത്യത്വം കൊടുക്കാൻ അവർ കാണിക്കുന്ന ജാഗ്രത, താത്പര്യം, ജനിച്ചു വളർന്ന മലയാളനാടിനോടും കേരളക്കരയോടുമുള്ള അവരൂടെ ആഭിമുഖ്യം, പ്രവാസലോകത്തെ നാടിന്റെ പുരോഗതിക്കും നന്മക്കും വേണ്ടിയിട്ടുള്ള പ്രവര്ത്തങ്ങളിൽ പങ്കാളിയാകാൻ അവർ കാണിക്കുന്ന താത്പര്യം ഇതൊക്കെ എത്രമാത്രം വിശദീകരിച്ചാലും മതിയാകില്ല. ആ ഒരു വലിയ സാംസ്കാരിക ബോധ്യമാണ് സൗദി അറേബ്യയിലെ റിയാദിൽ നിന്നും മനസ്സിലാക്കാൻ കഴിഞ്ഞതെന്നും എം.പി പറഞ്ഞു. 

പ്രസിഡന്റ് റഹ്മാൻ മുനമ്പത്ത് അദ്ധ്യക്ഷത വഹിച്ച സാംസ്കാരിക പരിപാടിയിൽ മൈത്രി അഡ്വൈസറി ബോർഡ് ചെയര്മാനും പ്രോഗ്രാം കൺവീനറുമായ ഷംനാദ് കരുനാഗപ്പള്ളി ആമുഖ പ്രസഗം നടത്തി. മൈത്രി രക്ഷാധികാരി ശിഹാബ് കൊട്ടുകാട് മുഖ്യപ്രഭാഷണം നടത്തി. 

ഗാന്ധിഭവൻ സെക്രട്ടറിയും മാനേജിംഗ് ട്രസ്റ്റി യുമായ ഡോ: പുനലൂർ സോമരാജൻ , യു.എ.ഇയിലെ സാമൂഹിക പ്രവര്ത്തകൻ നസീർ വെളിയിൽ , ഡോ: പോൾ തോമസ് എന്നിവർ സംസാരിച്ചു. 

റിയാദിലെ സാമൂഹിക സാംസ്കാരിക, വിദ്യാഭ്യാസ, ജീവകാരുണ്യ, വ്യാവസായിക, മാധ്യമ മേഖലകളിലെ പ്രമുഖരായ അബ്ദുള്ള വല്ലാഞ്ചിറ ഒ.ഐ.സി.സി പ്രസിഡന്റ്, സുരേഷ് കണ്ണപുരം കേളി സെക്രട്ടറി, സി.പി മുസ്തഫ കെ.എം.സി.സി പ്രസിഡന്റ് സെക്രട്ടറി, സുധീർ കുമ്മിൾ നവോദയ പ്രതിനിധി,

വി.ജെ നസ്റുദ്ദീൻ മീഡിയ ഫോറം പ്രസിഡന്റ്, ഷഹനാസ് അബ്ദുൽ ജലീൽ (ചെയര്പേഴ്സണ് , ഇന്റര്നാഷണൽ ഇന്ത്യൻ സ്കൂൾ , റിയാദ്), സംഗീത അനൂപ് (പ്രിന്സിപ്പാൾ , ഡൂണ്സ് ഇന്റര്നാഷണൽ സ്കൂൾ ) മജീദ് ചിങ്ങോലി, മുഹമ്മദ് കുഞ്ഞ് സിദ്ധീഖ് ലിയോടെക്, ഡോ: ഗീത പ്രേമചന്ദ്രൻ , ബാലു കുട്ടൻ , നസീർ ഖാൻ ,

നാസർ ലെയ്സ്, അസീസ് വള്ളികുന്നം, സനു മാവേലിക്കര, മുഷ്താഖ്, ഫാഹിദ്, സലിം കളക്കര, ജോസഫ് അതിരുങ്കൾ , ഡോ: ജയചന്ദ്രൻ , അൻസാരി വടക്കുംതല, മൈമൂന അബ്ബാസ്, അലി ആലുവ, അസ്ലം പാലത്ത്, നൗഷാദ് ആലുവ, ഷെഫീഖ് പൂരക്കുന്നിൽ , ഉമ്മർ മുക്കം, ഫിറോസ് പോത്തന്കോട്, ജയൻ മുസാമിയ, ഷൈജു പച്ച എന്നിവർ ചടങ്ങിൽ സംബന്ധിച്ചു. 

ചടങ്ങിൽ എൻ .കെ പ്രേമചന്ദ്രൻ എം പിക്ക് മൈത്രി കേരളീയം ആദരവ് പ്രസിഡന്റ് റഹ്മാൻ മുനമ്പത്ത് കൈമാറി.

ഡോ: പുനലൂർ സോമരാജന് മൈത്രി കർമ്മ ശ്രേഷ്ഠ പുരസ്ക്കാരം അഡ്വൈസറി ബോർഡ് ചെയർമാൻ ഷംനാദ് കരുനാഗപ്പള്ളിയും ഒരു ലക്ഷം രൂപയുടെ ചെക്ക് ജീവകാരുണ്യ കൺവീനർ മജീദ് മൈത്രിയും കൈമാറി. 

യു.എ.ഇയിലെ സാമൂഹിക പ്രവർത്തകൻ നസീർ വെളിയിലിന് മൈത്രി ഹ്യുമാനിറേററിയൻ പുരസ്ക്കാരം മൈത്രി രക്ഷാധികാരി ഷിഹാബ് കൊട്ടുകാടും കൈമാറി.

മൈത്രിയുടെ ആദരവ് എൻ .കെ പ്രേമചന്ദ്രൻ എം.പിയുടെ സാന്നിധ്യത്തിൽ റിയാദ് ഇന്റർനാഷണൽ ഇന്ത്യൻ സ്കൂൾ ചെയർപെഴ്സൺ ഷഹനാസ് അബ്ദുൽ ജലീലിന് ജനറൽ സെക്രട്ടറി നിസാർ പള്ളിക്കശ്ശേരിലും, ബാഡ്മിന്റൻ താരം ഖദീജ നിസക്ക് വൈസ് പ്രസിഡന്റ് നസീർ ഖാനും, ഡൂണ്സ് ഇന്റര്നാഷണല് സ്കൂൾ ജനറൽ മാനേജർ യഹിയ തൗഹരിക്ക് മൈത്രി ചെയർമാൻ ബാലു കുട്ടനും, ഡൂണ്സ് ഇന്റർനാഷണൽ സ്കൂൾ പ്രിൻസിപ്പാൾ സംഗീത അനൂപിന് ട്രഷറർ മുഹമ്മദ് സാദിഖും, ഡിസ്ക്കസ് ത്രോ ഗോള്ഡ് മെഡ്ലിസ്റ്റ് അമാൻ അന്സാരിക്ക് ഫത്തഹൂദ്ദീനും എം.എ.ആറിന് ഷാനവാസ് മുനമ്പത്തും, നവാസ് ഒപ്പീസിന് ഷാജഹാൻ കോയിവിളയും മൊമന്റോ നല്കി ആദരിച്ചു.

എൻ .കെ പ്രേമചന്ദ്രൻ എം പിക്കും, ഡോ: ഗീത പ്രേമചന്ദ്രനും, ഡോ: പുനലൂർ സോമരാജനും, നസീർ വെളിയിലിനും മൈത്രി രക്ഷാധികാരി സക്കീർ ഷാലിമാർ നൂലിൽ തുന്നിയ ചിത്രങ്ങൾ സമ്മാനിച്ചു. 

ശ്രേയ വിനീത് അവതാരികയായിരുന്നു. മൈത്രി ജനറൽ സെക്രട്ടറി നിസാർ പള്ളിക്കശ്ശേരിൽ സ്വാഗതവും ട്രഷറർ മുഹമ്മദ് സാദിഖ് നന്ദിയും പറഞ്ഞു. 

തുടർന്ന് ജലീൽ കൊച്ചിന്റെ നേത്യത്വത്തിൽ ആരംഭിച്ച ഗാനസന്ധ്യയിൽ നസ്റിഫ, സലീജ് സലിം, സുരേഷ്, തങ്കച്ചൻ വര്ഗീസ്, അൽത്താഫ്, നിഷ ബിനീഷ്, ദേവിക ബാബുരാജ്, ലിൻസു സന്തോഷ്, ഷിജു റഷീദ്, അമ്മു എന്നിവർ ഗാനങ്ങൾ ആലപിച്ചു.

ബീററ്സ് ഓഫ് റിയാദിന്റെ ചെണ്ടമേളം, നവ്യ ആര്ട്സ് എന്റർടെയ്ൻമെൻറ്സ് ബിന്ദു സാബു ചിട്ടപ്പെടുത്തിയ തിരു വാതിര, ഒപ്പന, മാർഗം കളി, പഞ്ചാബി ഡാൻസ്, ദേവിക ന്യത്തകലാ ക്ഷേത്ര സിന്ധു സോമൻ ചിട്ടപ്പെടുത്തിയ മോഹിനിയാട്ടം, നാടോടിന്യത്തം, ദിവ്യാ ഭാസക്കർ ചിട്ടപ്പെടുത്തിയ സെമി ക്ലാസിക്കൾ ഡാന്സും, സുംബ ഡാൻസും അരങ്ങേറി. 

സാബു കല്ലേലിഭാഗം, ഹുസൈൻ, ഹാഷിം, സജീർ സമദ്, സുജീബ്, മുഹമ്മദ് ഷെഫീഖ്, റോബിന്, മന്സൂർ, അനിൽ കുമാർ, കബീർ പാവുമ്പ, തുടങ്ങിയവർ പരിപാടികൾക്ക് നേത്യത്വം നൽകി.