പ്രവാസികളുടെ പ്രശ്നങ്ങൾക്ക് പരിഹാരം വേണം. ഷാഫി പറമ്പിൽ എംപിക്ക് നിവേദനം നല്‍കി മലബാര്‍ ഡവലപ്‌മെന്റ് ഫോറം

റിയാദ്: മലബാര്‍ ഡവലപ്‌മെന്റ് ഫോറം (MDF) റിയാദ് ചാപ്റ്റര്‍ വടകര പാർലമെൻറ് മെംബർ ഷാഫി പറമ്പിലിന് നിവേദനം നല്‍കി. കോഴിക്കോട് നിന്നുള്ള വിമാന സാർവ്വീസുകൾ പുനസ്ഥാപിക്കണമെന്ന് ആവശ്യപ്പെട്ടാണ് നിവേദനം നൽകിയത്. 

ഒഐസിസി സെന്‍ട്രല്‍ കമ്മറ്റി പ്രസിഡണ്ട് സലിം കളക്കരയുടെ സാനിധ്യത്തിൽ മലബാര്‍ ഡെവല്ല്‌മെന്റ് ഫോറം റിയാദ് ചാപ്റ്റര്‍ പ്രസിഡന്റ് ഗഫൂര്‍ കൊയിലാണ്ടി നിവേദനം കൈമാറി. ജനറല്‍ സെക്രട്ടറി ഒമര്‍ ഷെറീഫ്, രക്ഷാധികാരി അസ്‌ലം പാലത്ത്, ഷെറീക് തൈക്കണ്ടി,നവാസ് വെള്ളിമാട്കുന്ന്, സലാം കൊടുവള്ളി, സലിം വാലിലാംപുഴ, നസീർ തൈക്കണ്ടി, റിയാസ് വണ്ടൂർ എന്നിവര്‍ സന്നിഹിതരായിരുന്നു.

റിയാദ് ഒ ഐ സി സി സംഘടിപ്പിച്ച "പ്രവാസി പാർലമെൻറ് " എന്ന പരിപാടി പങ്കെടുക്കാനാണ് ഷാഫി പറമ്പിൽ റിയാദിലെത്തിയത്. കോഴിക്കോട് വിമാനത്താളവത്തിന് ഒരുപാട് പോരായ്മകളുണ്ട്. ഇതെല്ലാം പാർലമെന്റിൽ അവതരിപ്പിച്ച് കേന്ദ്ര വ്യാമയാന മന്ത്രിയുടെ ശ്രദ്ധയില്‍ കൊണ്ടുവരുമെന്ന് ഷാഫി പറമ്പിൽ പറഞ്ഞു