കെഎംസിസി ദേശീയ ഫുട്ബോൾ ടൂര്‍ണമെന്റ്‌ ഇ.ടി. മുഹമ്മദ് ബഷീർ എം.പി. ഉദ്‌ഘാടനം ചെയ്തു; ആദ്യ ദിന മത്സര വിജയികൾ: റീം റിയൽ കേരള (5-0), ചാംസ് മസാല സബിൻ (4-1)

ജിദ്ദ:    രണ്ട് മാസത്തിലേറെ കാലം നീണ്ടു നിൽക്കുന്ന സൗദി കെ എം സി സി ദേശീയ ഫുട്ബോൾ  മേള   ജിദ്ദയിലെ  അസീരിയ സ്റ്റേഡിയത്തിൽ തുടങ്ങി.   സൗദിയിലെ  എട്ട്  പ്രമുഖ ടീമുകൾ മാറ്റുരക്കുന്ന  മേള  രാജ്യത്തെ   സൗദിയിലെ നാല്  പ്രവിശ്യകളിലായിട്ടാണ്  അരങ്ങേറുക.  

ഉൽഘാടന ദിനം നടന്ന രണ്ടു മത്സരങ്ങളിൽ ആദ്യത്തേതിൽ എൻ കംഫർട്ട് എ സി സി യെ എതിരില്ലാത്ത അഞ്ച് ഗോളുകൾക്ക് തകർത്ത് റീം റിയൽ കേരള വിജയികളായി.  ജിബിൻ വർഗ്ഗീസിൻ്റെ രണ്ട് ഗോളുകൾ സ്‌കോർ ചെയ്ത ജിബിൻ വർഗീസ് ആദ്യദിന മത്സരത്തിൽ ശ്രദ്ധാ കേന്ദ്രമായി.

രണ്ടാം പകുതി ആരംഭിച്ച ഉടൻ  ഹാഷിം , പോൾ , ജിബിൻ വർഗ്ഗീസ് എന്നിവർ ഓരോ  ഗോളുകൾ നേടിയതോടെ റീം റിയൽ കേരളക്ക്  ആധികാരിക വിജയം ഉറപ്പാവുകയും ചെയ്തു.  മാൻ ഓഫ് ദ മാച്ച് പരസ്കാരത്തിന് ജിബിൻ വർഗീസ് അർഹനായി.   കംഫർട്ട് ട്രാവൽസ് പുരസ്കാരം അസ്ക്കർ മുണ്ടയിൽ ജിബിന് കൈമാറി. 

രണ്ടാം മൽസരത്തിൽ എച്ച് എം ആർ യാമ്പു വിനെതിരെ ചാംസ് മസാല സബിൻ  ഒന്നിനെതിരെ 4 ഗോളുകൾക്ക് ജയം സ്വന്തമാക്കി.  ഫസലുറഹ്മാൻ (2) മുഹമ്മദ് അനീസ് , അലി ഷാൻ എന്നിവർ ഓരോ ഗോളുകൾ നേടിയപ്പോൾ  യാമ്പു എഫ് സി ക്കു വേണ്ടി മുഹമ്മദ് റിസ്വാൻ ആശ്വാസ ഗോൾ കണ്ടെത്തി . 

സബിൻ എഫ് സി യുടെ ഫസലുറഹ്മാനെ മാൻ ഓഫ് ദ മാച്ച് പുരസ്കരത്തിന് അർഹനായി. മാൻ ഓഫ് ദ മാച്ച് പുരസ്കാരം കംഫർട്ട് ട്രാവൽസ് ഉപഹാരം ഇസ്മായിൽ മുണ്ടക്കുളം കൈമാറി.

ടൂർണമെന്റ്റ്  ഇ.ടി. മുഹമ്മദ് ബഷീർ എം.പി ഉൽഘാടനം ചെയ്തു.   പ്രസിഡൻറ് കുഞ്ഞുമോൻ കാക്കിയ   അധ്യക്ഷത വഹിച്ചു.    ഉൽഘാടനത്തോടനുബന്ധിച്ച് 21 ഓളം വിവിധ കമ്മിറ്റികൾ അണിനിരന്ന മാർച്ച് പാസ്റ്റ് ചടങ്ങിന് മാറ്റുകൂട്ടി .  ചീഫ് കോ ഓർഡിനേറ്റർ മുജീബ് ഉപ്പട ആമുഖ പ്രഭാഷണം നടത്തി.   മുഹമ്മദ് സാജിദ് നിർവഹിച്ച ഖുർആൻ പാരായണത്തോട് കൂടിയായിരുന്നു പരിപാടിയുടെ ആരംഭം. 

വി പി മുഹമ്മദലി (ജിദ്ദ നാഷണൽ ഹോസ്പിറ്റൽ), അഹമ്മദ് പാളയാട്ട്, നിസാം മമ്പാട്, ഉസ്മാൻ അലി  പാലത്തിങ്ങൽ, നാസർ വെളിയങ്കോട്,  ഷറഫുദ്ദീൻ കണ്ണേറ്റി, നാസർ എടവനക്കാട്, അബ്ദുൽ ഗഫൂർ ഖുൻഫുദ, ഗഫൂർ ചേലേമ്പ്ര റാബിക്ക്,  റസാഖ് മാസ്റ്റർ, ഹക്കീം പാറക്കൽ (ഒഐസിസി), ഖിസ്മത്ത് മമ്പാട് (നവോദയ ) കബീർ കൊണ്ടോട്ടി (മീഡിയ ഫോറം), ബേബി നീലാമ്പ്ര (സിഫ്)  എന്നിവർ ചടങ്ങിന് ആശംസകൾ നേർന്നു സംസാരിച്ചു.

ജനറൽ സെക്രട്ടറി അഷ്റഫ് വേങ്ങാട്ട് സ്വാഗതവും വി.പി മുസ്തഫ നന്ദിയും പറഞ്ഞു.  സിഫിൻ്റെ നേതൃത്വത്തിൽ മൽസരങ്ങൾ നിയന്ത്രിച്ചു.  ഇസ്മായിൽ മുണ്ടക്കുളം , അബു കട്ടുപ്പാറ , അഷ്റഫ് താഴെക്കോട്,  സുബൈർ വട്ടോളി , ശിഹാബ് താമരക്കുളം , ഹുസൈൻ കരിങ്കറ തുടങ്ങി  വിവിധ ജില്ലാ ഏരിയ മണ്ഡലം ഭാരവാഹികളും ചടങ്ങിന് നേതൃത്വം നൽകി.