"സേവന സന്നദ്ധത ഹൃദയത്തിൽ നിന്ന് നിർഗളിക്കണം": ഡോ. സുബൈർ ഹുദവി

ജിദ്ദ:   പ്രവാചകന്റെ പള്ളിയിൽ ഇഹ്തികാഫ്  ഇരിക്കുന്നതിനേക്കാൾ പുണ്യമാണ് മറ്റുള്ളവർക്ക് ഒരു സേവനം ചെയ്യുക എന്നതാണ് പ്രവാചക പാഠം.  ഹൃദയത്തിൽ നിന്നാണ് സേവന മനസ്ഥിതി വരേണ്ടത്  ആത്മാർത്ഥതയോടെ ഹജ്ജ് വളണ്ടീയർ സേവനം ചെയ്യുന്നവർക്ക്  അള്ളാഹുവിൽ നിന്നും അർഹമായ പ്രതിഫലം ലഭിക്കുമെന്ന് പ്രമുഖ വിദ്യാഭ്യാസ വിദക്ക്ഷണനും ബീഹാറിലെ കിഷൻ ഗഞ്ച് ഖുർതുബ ഇൻസ്റ്റിറ്റ്യൂട്ട് ഓഫ് എക്സലൻൻസ് സ്ഥാപക മേധാവി കൂടിയായ ഡോക്ടർ സുബൈർ ഹുദവി പറഞ്ഞു.

   ഉത്തമ സേവനത്തിന് ഉദാത്ത മാതൃക എന്ന ശീർഷകത്തിൽ ജിദ്ദ കെഎംസിസി ഹജ്ജ് സെൽ കേരളേതര സംസ്ഥാനങ്ങളിൽ നിന്നും ഹജ്ജ് വളണ്ടീർമാരായി രജിസ്റ്റർ ചെയ്തവർക്കുള്ള വളണ്ടിയർ പരിശീലന ക്യാമ്പ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

മനുഷ്യന് സഹജീവിയോട് മാത്രമല്ല പ്രപഞ്ചത്തിലെ മുഴുവൻ ജീവജാലങ്ങളോട് പോലും കടമകളും ബാധ്യതയും ഉൾകൊള്ളുന്നതാണ് ഇസ്ലാമിന്റെ മുഴുവൻ അധ്യാപനങ്ങളും. ഹജ്ജിനെത്തുന്ന പ്രായം ചെന്ന വഴിതെറ്റിയവരെയും അവശരായവരെയും അവരുടെ ടെൻറ്റുകളിൽ എത്തിച്ചും അവർക്ക് വേണ്ട മറ്റു അത്യാവശ്യ സഹായങ്ങൾ ചെയ്തും സേവന കർമ നിരതരാവുന്നതിന് കേരളത്തിന് പുറത്തു നിന്ന്  കെ എംസിസി യോടൊപ്പം സന്നദ്ധ സേവകരായി  വന്ന എല്ലാവർക്കും അദ്ദേഹം അഭിവാദ്യങ്ങൾ അർപ്പിക്കുകയും ചെയ്തു.

കേരളത്തിലെ കെഎംസിസിയും  ഇന്ത്യൻ യൂണിയൻ മുസ്ലിം ലീഗും രാഷ്ട്രീയ വിദ്യാഭ്യാസ രംഗത്ത് ജീവ കാരുണ്യ രംഗങ്ങളിൽ ചെയ്യുന്ന സേവന പ്രവർത്തനങ്ങളെയും അത് വഴി പിൻതള്ളപ്പെട്ട മുസ്ലിം ന്യൂനപക്ഷത്തെ സമൂഹത്തിനു മുൻ നിരയിലേക്ക് കൊണ്ടുവന്ന പ്രയോഗികതയും അദ്ദേഹം വിശദീകരിച്ചു. ഇത്തരം വിദ്യാഭ്യാസ സാമൂഹിക രാഷ്ട്രീയ ശക്തീകരണ സേവന പ്രവർത്തനങ്ങൾ കേരളേതര സംസ്ഥാനങ്ങളിൽ വളർന്നു വരേണ്ട ആവശ്യകത അദ്ദേഹം ഇതര സംസ്ഥാങ്ങളിൽ നിന്നുള്ള വണ്ടിയർമാർ മാത്രമുള്ള സദസ്സിനെ ഓർമിപ്പിച്ചു.

ബീഹാറിലെ കിഷൻ ഗഞ്ചിൽ അദ്ദേഹത്തിന്റെ നേതൃത്വത്തിൽ നടന്നു വരുന്ന ഖുർതുബ ഇൻസ്റ്റിറ്റ്യൂട്ട് വിദ്യാഭ്യാസ ശക്തീകരണ പ്രവർത്തനങ്ങളിലെ അനുഭവങ്ങൾ പങ്കുവെച്ചു കൊണ്ട് നിരക്ഷരായ മതപരമോ ഭൗതികമോ ആയ ഒരു വിദ്യാഭ്യാസവും ലഭിക്കാതെ കഴിയുന്ന ഉത്തരേന്ത്യൻ മുസ്ലിങ്ങളെ വിദ്യാഭ്യാസ ശാക്തീകരണത്തിന് വേണ്ടി മുന്നോട്ട് വരാൻ അദ്ദേഹം അവരോട്ഭ്യർത്ഥിച്ചു.

സി കെ റസാഖ് മാസ്റ്റർ ആധ്യക്ഷത വഹിച്ചു ശിഹാബ് താമരക്കുളം വളണ്ടീയർ പരിശീലനം നൽകി
സുബൈർ വട്ടോളിയും സിറാജ് കണ്ണവവും വളണ്ടിയർമാർക്കുള്ള നിർദ്ദേശങ്ങൾ നൽകി, എ കെ ബാവ, ഷക്കീർ നാലകത്ത്, അബു കട്ടുപ്പാറ, നിസാർ മടവൂർ, ഫൈറൂസ് കൊണ്ടോട്ടി, അഫ്സൽ നാറാണത്ത്, ജിദ്ദ കെഎംസിസി വനിതാ വിങ്ങ് നേതാക്കളായ മുംതാസ് ടീച്ചർ, ഷമീല മൂസ എന്നിവർ നേതൃത്വം നൽകി.

വിപി  മുസ്തഫ സ്വാഗതവും ലത്തീഫ് മുസ്ലിയാരങ്ങാടി നന്ദിയും പറഞ്ഞു.