ചെർപ്പുളശ്ശേരി സ്വദേശിയായ ഹജ്ജ് തീർത്ഥാടകൻ മക്കയിൽ മരിച്ചു

മക്ക:   സ്വകാര്യ ഗ്രൂപ്പിൽ  വിശുദ്ധ  ഹജ്ജിനെത്തിയ മലയാളി ബുധനാഴ്ച  മക്കയിൽ മരണപ്പെട്ടു.   പാലക്കാട്, ചെർപ്പുളശേരി സ്വദേശി അബ്ബാസ് പല്ലത്ത് (67) ആണ്  മരിച്ചത്.

ഭാര്യ ആമിന പല്ലത്ത്, ഭാര്യ സഹോദരൻ എന്നിവരോടൊപ്പം  മേയ്​ 15ന് മക്കയിൽ  എത്തിയതായിരുന്നു. ഉംറ നിർവഹിച്ചു വിശ്രമിക്കവേ ശ്വാസതടസത്തെ തുടർന്ന് രണ്ടാഴ്ചയോളമായി മക്ക മെഡിക്കൽ സെൻറർ ആശുപത്രിയിൽ ചികിത്സയിലായിരുന്നു.   അസുഖം മൂർച്ഛിച്ചതിനെ തുടർന്ന് അന്ത്യശ്വാസം വലിക്കുകയുമായിരുന്നു.

നിയമനടപടികൾ പൂർത്തീകരിച്ച് മക്കയിൽ ഖബറടക്കം നടത്താനുള്ള  ശ്രമങ്ങളിലാണ് മക്കയിലെ   ബന്ധുക്കളും സാമൂഹ്യ പ്രവർത്തകരും.