/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/09/10/82c4f312-ab61-4c7d-94ef-b45b5693d231-2025-09-10-19-23-14.jpg)
ജിദ്ദ: കൊടുങ്ങല്ലൂർ മേഖലയിൽ നിന്നുള്ള ജിദ്ദയിലെ കൂട്ടായ്മയായ മുസ്‌രിസ് പ്രവാസി ഫോറം ഹറാസാത്ത് അമീറ വില്ലയില്‍ വെച്ച് കുടുംബ വിരുന്നും യാത്രയയപ്പും സംഘടിപ്പിച്ചു.
വിവിധ പരിപാടികൾ ചേർത്തിണക്കിയതായിരുന്നു കുടുംബ വിരുന്ന്. കുട്ടികളുടെ കലാപരിപാടികലായി അരങ്ങേറിയ മാജിദ, ഇസ്സ, ഇന്‍ഷ, ഹൈഫ, അഫ്റ എന്നിവരുടെ ഗാനങ്ങളും ഇന്‍ഷ, ഇസ്മ, ഇസ്സ, ഫാത്തിമ, മിന്‍ഹ സാബു എന്നിവരുടെ ഡാന്‍സുകളും പരിപാടിക്ക് മാറ്റുകൂട്ടി. ഷിനോജ് അലിയാര്‍, സന്തോഷ് അബ്ദുള്‍ കരീം, സജിത്ത്, റഫീഖ് മുഹമ്മദ്, ഇസ്മായില്‍, സഗീര്‍ പുതിയകാവ്, സഗീര്‍ മുഹമ്മദ് എന്നിവര്‍ അവതരിപ്പിച്ച സംഗീത വിരുന്ന് സദസ്സിന്‍റെ ഇഷ്ടം കവർന്നു.
28 വര്‍ഷത്തെ പ്രവാസ ജീവിതത്തിന് ശേഷം നാട്ടിലേക്ക് മടങ്ങുന്ന സംഘടനയുടെ പ്രഥമ സെക്രട്ടറിയും ഏഴ് വര്‍ഷത്തോളം പ്രസ്തുത സ്ഥാനത്ത് നിന്ന് സംഘടനക്ക് വേണ്ടി സേവനമനുഷ്ഠിക്കുകയും, നിലവിൽ സംഘടനയുടെ പ്രസിഡന്‍റു സ്ഥാനം വഹിച്ചു വരികയുമായിരുന്ന അബ്ദുസ്സലാം എമ്മാടിന് യാത്രയയപ്പും നൽകി.
വൈസ് പ്രസിഡന്‍റ് മുഹമ്മദ് ഷിഹാബ് അയ്യാരില്‍ അദ്ധ്യക്ഷത വഹിച്ച യോഗത്തില്‍ സെക്രട്ടറി അനീസ് എറമംഗലത്ത് സ്വാഗതം പറഞ്ഞു. മുസ്‌രിസിന്‍റെ സ്നേഹോപഹാരമായ മെമെന്‍റോ രക്ഷാധികാരികളായ മുഹമ്മദ് സഗീര്‍ മാടവന, താഹ മരിക്കാര്‍, ഹനീഫ് ചളിങ്ങാട്, തുഷാര ഷിഹാബ് എന്നിവര്‍ ചേര്‍ന്ന് അബ്ദുസ്സലാമിന് കൈമാറി,
ഭാരവാഹികളായ ശറഫുദ്ധീന്‍ ചളിങ്ങാട്, മുഹമ്മദ് സാബിര്‍, സഗീര്‍ പുതിയകാവ്, സുമിത അബ്ദുള്‍ അസീസ്, ഷിഫ സുബില്‍, ജസീന സാബു, ജസീന സാദത്ത്, ഷജീറ ജലീല്‍, മുന്‍ ഭാരവാഹികളായ കമാല്‍ മതിലകം, അഹമ്മദ് യൂനുസ്, അബ്ദുള്‍ അസീസ് അറക്കല്‍, താഹിര്‍ എടമുട്ടം, ഫാത്തിമ താഹ, നദീറ ഹനീഫ്, ഷൈബാനത്ത് യൂനുസ് എക്സിക്യൂട്ടീവ് അംഗങ്ങളായ അബ്ദുള്‍ ഖാദര്‍ കായംകുളം, സന്തോഷ് അബ്ദുള്‍ കരീം, കിരണ്‍ കാലാനി,ഷിനോജ് അലിയാര്‍, സാബു ഹനീഫ, അബ്ദുള്‍ ജലീല്‍, ഡോ. സിയാവുദ്ധീന്‍, ഹാരിസ് അഴീക്കോട് എന്നിവര്‍ ചടങ്ങില്‍ സംസാരിച്ചു.
പതിനാല് വര്‍ഷം മുമ്പ് ഇങ്ങിനെ ഒരു കൂട്ടായ്മ രൂപീകരിച്ചത് കൊണ്ടാണ് ജിദ്ദയില്‍ പരസ്പരം അറിയപ്പെടാതെ പോയ നാട്ടുകാരെ പരിചയപ്പെടുവാനും ഒരു കുടക്കീഴില്‍ ഒരുമിച്ച് കൂട്ടുവാനും കഴിഞ്ഞതെന്നും, ഈ കൂട്ടായ്മയിലെ അംഗങ്ങള്‍ തനിക്ക് സ്വന്തം കുടുംബാംഗങ്ങളെ പോലെ ആയിരുന്നുവെന്നും യാത്രയയപ്പിന് അബ്ദുസ്സലാം എമ്മാട് നടത്തിയ മറുപടി പ്രസംഗത്തില്‍ വികാരാധീതനായി പറഞ്ഞു.
കള്‍ച്ചറല്‍ സെക്രട്ടറി ജസീന സാബു, വനിതാ വിഭാഗം ഭാരവാഹികളായ സുമിത അബ്ദുള്‍ അസീസ്, ഷിഫ സുബില്‍ എന്നിവര്‍ പരിപാടികള്‍ നിയന്ത്രിച്ചു. ഒക്ടോബര്‍ 31 വെള്ളിയാഴ്ച ഓണാഘോഷ പരിപാടികള്‍ സംഘടിപ്പിക്കുവാനും തീരുമാനിച്ചു.