യാത്രാവിവരണ പുസ്തക പ്രകാശനം ഇന്ന്

മനാമ: പ്രിയദർശിനി പബ്ലിക്കേഷൻസ് ബഹറിൻ ചാപ്റ്റർ ആഭിമുഖ്യത്തിൽ ആദ്യമായി പുറത്തിറക്കുന്ന പുസ്തകത്തിൻറെ ജിസിസി തല പ്രകാശനം ഇന്ന് നടക്കും.

ബഹറിൻ കേരളീയ സമാജം ബാബുരാജ് ഹാളിൽ വച്ച് നടക്കുന്ന പരിപാടി രാത്രി 8 മണിക്ക് ബഹറിൻ കേരളീയ സമാജം പ്രസിഡണ്ട് പി വി രാധാകൃഷ്ണപിള്ള നിർവഹിക്കും.

പുസ്തകത്തിന്റെ ആദ്യ കോപ്പി സ്വീകരിക്കുന്നത് നിരവധി വിദേശയാത്ര നടത്തിയ യാത്രയെ ഏറെ ഇഷ്ടപ്പെടുന്ന അരുൾദാസ് തോമസ് ആണ്. 

ബി കെ എസ് ജനറൽ സെക്രട്ടറി വർഗീസ് കാരക്കൽ , ഓ ഐ സി സി പ്രസിഡന്റ് ശ്രീ ഗഫൂർ ഉണ്ണികുളം,  മാധ്യമപ്രവർത്തകൻ പ്രദീപ് പുറവങ്കര, സാമൂഹിക സാംസ്‌കാരിക പ്രവർത്തകർ, തുടങ്ങിയവർ പങ്കെടുക്കും. 

പ്രിയദർശിനി ബഹറിൻ ചാപ്റ്റർ കോഡിനേറ്റർ സൈദ് എം എസ്  അധ്യക്ഷതയിൽ അക്കാദമി കോഡിനേറ്റർ ജീസൻ ജോർജ്, പത്തനംതിട്ട ജില്ലാ കോഡിനേറ്റർ ബിബിൻ മാടത്തേത്ത് തുടങ്ങിയവർ നേതൃത്വം നൽകും. 

പുസ്തകം പരിചയപ്പെടുത്തുന്നത് ബഹറിനിൽ അറിയപ്പെടുന്ന 
യാത്രാപ്രേമിയും ചലച്ചിത്രകാരനുമായ അജിത് നായരാണ്.

ബഹറിനിൽ ഒരു പതിറ്റാണ്ടിലേറെ കാലമായി പ്രവാസജീവിതം നയിക്കുന്ന സുനിൽ തോമസ് റാന്നിയുടെ ആദ്യ പുസ്തകമാണ് ട്രാവൽ ഫീൽസ് ആൻഡ് ഫീഡ്സ്. 

വിനോദസഞ്ചാര യാത്ര രംഗത്ത് പ്രാദേശിക ടൂറിസം വികസനത്തിനു ഊന്നൽ നൽകിക്കൊണ്ടുള്ള വികസന നിർദ്ദേശങ്ങൾ പൊതുവിൽ ചർച്ച ചെയ്യപ്പെടും എന്നതാണ് പ്രതീക്ഷ. 

പ്രിയദർശിനി പബ്ലിക്കേഷൻസിന്റെ ഈ പുസ്തക പ്രകാശന കർമത്തിൽ ഏവരുടെയും  സാന്നിധ്യവും സഹകരണവും പ്രതീഷിക്കുന്നു.