പെരുന്നാൾ അവധി; അവധിക്കാലത്ത് സൈബർ ആക്രമണങ്ങൾക്ക് കൂടുതൽ സാധ്യത; ജാഗ്രത നിർദ്ദേശവുമായി യുഎഇ സൈബർ സുരക്ഷാ കൗൺസിൽ

അബുദാബി: സൈബർ ആക്രമണങ്ങൾ അവധിക്കാലത്ത് വർധിക്കാനുള്ള  സാധ്യത കൂടുതലായതിനാൽ ജനങ്ങൾ ജാഗ്രത പാലിക്കണമെന്ന് യുഎഇ സൈബർ സുരക്ഷാ കൗൺസിൽ. പെരുന്നാൾ പ്രമാണിച്ച് സർക്കാർ സ്ഥാപനങ്ങൾക്ക് ഉൾപ്പെടെ  9 ദിവസമാണ് അവധി. 

ഈ കാലയളവിൽ സ്ഥാപനങ്ങൾ അടച്ചിടുന്ന പതിവ് നിലനിൽക്കുന്നതിനാൽ  സൈബർ തട്ടിപ്പുകാരുടെ എണ്ണം കൂടും. തട്ടിപ്പ് പെട്ടെന്ന് കണ്ടെത്താൻ മതിയായ ജീവനക്കാരില്ലെന്നതാണ് ഇവരുടെ തുറുപ്പുചീട്ട്. 

എങ്ങനെ തടയാം
∙ കംപ്യൂട്ടർ പ്രോഗ്രാമുകളും ഓപ്പറേറ്റിങ് സിസ്റ്റങ്ങളും നിരന്തരം അപ്‌ഡേറ്റ് ചെയ്യണം.
∙ ആന്റിവൈറസ് സ്കാൻ ചെയ്ത് പ്രശ്നങ്ങൾ ഇല്ലെന്ന് ഉറപ്പാക്കണം.
∙ സംശയാസ്പദമായ ഉറവിടങ്ങളിൽനിന്നുള്ള മെയിലുകൾ/ലിങ്ക്/ഉള്ളടക്കങ്ങൾ തുറക്കരുത്.
∙ ശക്തവും സങ്കീർണവുമായ പാസ്‌വേഡുകൾ ഉപയോഗിക്കുക.
∙ തട്ടിപ്പിന് ഇരയായാൽ എത്രയും വേഗം പൊലീസിൽ പരാതി നൽകുക.