ബ്രിട്ടീഷ് തൊഴിലാളികൾ പണി മടിയന്മാർ, ജോലിയേക്കാൾ താത്പര്യം പബ്ബുകളോട്; ആളുകളെ ജോലി ചെയ്യാതെ വീട്ടിലിരുത്തി പെൻഷൻ വാങ്ങാൻ അനുവദിക്കുന്ന സർക്കാർ നയങ്ങൾ ആപത്ത്: അപ്പോളോ ടയേഴ്സ് സിഇഒ നീരജ് കൻവാർ തുറന്നടിക്കുന്നു
![2](https://img-cdn.thepublive.com/filters:format(webp)/sathyam/media/media_files/vDTwP5vjpSZKZ0KhVY32.jpeg)
ലണ്ടൻ: പരിമിത ദിനങ്ങളിൽ മാത്രം ജോലി ചെയ്തും ചിലപ്പോൾ
ജോലിക്ക് തന്നെ ശ്രമിക്കാതെയും പൂർണ്ണമായും സർക്കാർ ബെനിഫിറ്റുകളെ മാത്രം ആശ്രയക്കുന്നവരാണ് ബ്രിട്ടീഷ് ജനത എന്ന ഒരു പൊതുധാരണ നിലനിൽക്കുന്നതിനിടയിൽ, അപ്പോളോ ടയേഴ്സ് തലവൻ നീരജ് കൻവാർ യു കെയിലെ നിർമ്മാണ മേഖലകളെ കുറിച്ച് അടുത്തിടെ നടത്തിയ സത്യസന്ധമായ ചില പരാമർശങ്ങൾ അതിനു അടിവരയിടുന്നതായി.
![1](https://img-cdn.thepublive.com/filters:format(webp)/sathyam/media/media_files/drBLgBZHoMz5vpztwmUj.jpeg)
"ബ്രിട്ടീഷ് തൊഴിലാളികൾ ജോലി ചെയ്യുന്നവരല്ല. ജോലിയേക്കാൾ അവർ പബ്ബ്കളിൽ പോകാൻ ഇഷ്ട്ടപ്പെടുന്നു. അതുകൊണ്ട് താൻ യു കെയിൽ വ്യവസായം തുടങ്ങാൻ താത്പ്പര്യപ്പെടുന്നില്ല" എന്നാണ് നീരജ് ഡെയ്ലി മെയിലിന് നൽകിയ അഭിമുഖത്തിൽ പറഞ്ഞത്.
മറ്റ് രാജ്യങ്ങളെ അപേക്ഷിച്ച് യു കെയിൽ പ്രവർത്തിക്കുന്നതിന് സ്വാഭാവികമായും ലഭിക്കേണ്ട പ്രോത്സാഹനങ്ങളുടെ അഭാവം അദ്ദേഹം ഊന്നിപ്പറഞ്ഞു.
"യു കെയിലെ തൊഴിലാളികൾ എങ്ങനെയാണെന്ന് നിങ്ങൾക്കറിയാം. അവർ കഷ്ടിച്ച് ജോലി ചെയ്യുന്നു. പിന്നെ പബ്ബിൽ പോകുന്നു" കൻവർ കൂട്ടിച്ചേർത്തു. ആളുകളെ ജോലി ചെയ്യാതെ വീട്ടിലിരിക്കാനും പെൻഷൻ സ്വീകരിക്കാനും അനുവദിക്കുന്ന സർക്കാർ നയങ്ങളാണ് ഈ പ്രശ്നത്തിന് കാരണമെന്നും അദ്ദേഹം അഭിപ്രായപ്പെട്ടു.
![2](https://img-cdn.thepublive.com/filters:format(webp)/sathyam/media/media_files/6CAZc01vjPaCj9WO1yAr.jpeg)
ലോകമെമ്പാടും ഏകദേശം 18,000 തൊഴിലാളികളുള്ള ആഗോള തൊഴിലുടമയായ അപ്പോളോ ടയേഴ്സിന്, യു കെയിൽ കോർപ്പറേറ്റ് കാര്യങ്ങൾ കൈകാര്യം ചെയ്യുന്ന 30 പേരുടെ ഒരു ടീം മാത്രമേയുള്ളൂ. യു കെയിലും ഹൈദരാബാദിലും കമ്പനിക്ക് ഇന്നൊവേഷൻ ഹബ്ബുകൾ ഉണ്ടെങ്കിലും, യു കെയിൽ ഇതുവരെ കമ്പനി നിർമ്മാണ സാന്നിദ്ധ്യം സ്ഥാപിച്ചിട്ടില്ല.
ലണ്ടനിൽ ഒരു ഇറ്റാലിയൻ റെസ്റ്റോറൻ്റ് കൂടിയുള്ള കൻവാർ ലോകമെമ്പാടും ഏഴ് ഫാക്ടറികൾളും നടത്തുന്നുണ്ട്. ഇതൊക്കെയാണെങ്കിലും, അപ്പോളോ ടയേഴ്സ് മാഞ്ചസ്റ്റർ യുണൈറ്റഡ് ഫുട്ബോൾ ടീമിൻ്റെ ദീർഘകാല സ്പോൺസറായി തുടരുന്നു.
![2](https://img-cdn.thepublive.com/filters:format(webp)/sathyam/media/media_files/JFeq8cmXAI4cVS7xZO5D.jpeg)
ആഗോള വ്യവസായ പ്രമുഖരുടെ കേന്ദ്രമെന്ന പദവി വീണ്ടെടുക്കാനുള്ള ലണ്ടൻ്റെ ശ്രമങ്ങൾക്കിടയിലാണ് കൻവാറിൻ്റെ പരാമർശം. പല എക്സിക്യൂട്ടീവുകളും, അവരുടെ പ്രവർത്തനങ്ങളും മിക്ക വിദേശ രാജ്യങ്ങളിൽ നടത്തിയിട്ടും, ഒന്നുകിൽ അവരുടെ അടിത്തറ സ്ഥാപിക്കാനോ അവരുടെ ബിസിനസുകൾ ലിസ്റ്റ് ചെയ്യാനോ യു കെ രാജ്യമാണ് തിരഞ്ഞെടുത്തത്.
ലണ്ടനിൽ താമസിക്കുന്ന 50 കാരനായ നീരജ് കൻവാർ, അപ്പോളോ ടയേഴ്സിൻ്റെ വൈസ് ചെയർമാനും മാനേജിംഗ് ഡയറക്ടറുമായാണ് സേവനമനുഷ്ഠിക്കുന്നത്.ഗുരുഗ്രാം ആസ്ഥാനമായുള്ള കമ്പനി ആഗോളതലത്തിൽ അറിയപ്പെടുന്ന ഓട്ടോ ബ്രാൻഡുകളിലൊന്നായി രൂപപ്പെട്ടത് നീരജിന്റെ നേതൃത്വത്തിലാണ്.