Advertisment

യൂറോപ്യൻ ഇന്റർനാഷണൽ യൂണിവേഴ്സിറ്റിയും ഏരീസ് ഇന്റർനാഷണൽ മാരിടൈം റിസർച്ച് ഇൻസ്റ്റിറ്റ്യൂട്ടും സംയുക്തമായി ഹോണററി ഇൻഡസ്ട്രിയൽ ഡോക്ടറേറ്റ് നൽകി വ്യവസായ രംഗത്തെ വിദഗ്ദ്ധരെ ആദരിച്ചു

New Update
doctorate distributed

ദുബായ്: വ്യവസായ മേഖലയിലെ വിദഗ്ദ്ധർക്ക് ഇഐയു - എഐഎംആര്‍ഐ ഡോക്ടറേറ്റുകൾ നൽകി ആദരിച്ചു. യൂറോപ്യൻ ഇന്റർനാഷണൽ യൂണിവേഴ്സിറ്റിയുമായി (ഇഐയു) സഹകരിച്ച് ഏരീസ് ഇന്റർനാഷണൽ മാരിടൈം റിസർച്ച് ഇൻസ്റ്റിറ്റ്യൂട്ട് (എഐഎംആര്‍ഐ) ആണ് ചടങ്ങ് സംഘടിപ്പിച്ചത്. 

Advertisment

ഏരീസ് ഗ്രൂപ്പ് ഓഫ് കമ്പനീസ് സ്ഥാപക ചെയർമാൻ സർ സോഹൻ റോയ് ആണ്  എഐഎംആര്‍ഐയുടെയും സ്ഥാപകൻ. വ്യവസായ മേഖലയ്ക്ക്  വിപ്ലവകരമായ   സംഭാവനകൾ നൽകിയ വ്യക്തിത്വങ്ങളെയാണ് ചടങ്ങിൽ  ആദരിച്ചത്.

 യു.എ.ഇ, യു.കെ, സൗദി അറേബ്യ, ഖത്തർ, പോർച്ചുഗൽ, ഇന്ത്യ തുടങ്ങിയ വിവിധ രാജ്യങ്ങളിൽ നിന്നുള്ള പ്രഗൽഭരെയാണ് ആദരിച്ചത്.

ഫൂട്ട് വെയർ വ്യവസായത്തിൽ വിപ്ലവം സൃഷ്ടിച്ച റീബോക്കിന്റെ സഹസ്ഥാപകനായ  ജോസഫ് വില്യം,സിന്തൈറ്റ് ഇൻഡസ്ട്രീസ് ലിമിറ്റഡിന്റെ എക്സിക്യൂട്ടീവ് ചെയർമാൻ ഡോ. വിജു ജേക്കബ്, നാഷണൽ മാരിടൈം അക്കാദമിയുടെ മാനേജിംഗ് ഡയറക്ടർ ക്യാപ്റ്റൻ തുർക്കി അൽ ഷെഹ്രി എന്നിവർക്കാണ് ഹോണറി ഡോക്ടറേറ്റ് നൽകി ആദരിച്ചത്. 

ഒരേ ദിവസം 40 ജീവചരിത്രങ്ങൾ  പ്രകാശിക്കപ്പെടുക എന്ന അപൂർവ്വ നേട്ടത്തിനും ചടങ്ങ് സാക്ഷിയായി.

അറേബ്യൻ വേൾഡ് റെക്കോർഡ്‌സും യൂണിവേഴ്‌സൽ റെക്കോർഡ്‌സ് ഫോറവും ഈ പ്രകാശന ചടങ്ങിനെ ഔദ്യോഗികമായി അംഗീകരിക്കുകയും  ചെയ്തു. 

doctorate distributed-2

ബിസിനസ്സ് ഗേറ്റ് പ്രസിഡന്റും ഫൗണ്ടറും, ക്രൗൺ സെനറ്റർ ഹെർ എക്സലൻസി ലൈല റഹ്ഹൽ എൽ അത്ഫാനി, യുഎഇയിലെ ഉക്രൈനിയൻ  ബിസിനസ് കൗൺസിൽ പ്രസിഡൻറ് ഒലീന ഷൈറോക്കോവ,  ബ്യൂറോ വെരിറ്റാസിലെ ഡെപ്യൂട്ടി കൺട്രി ചീഫ് എക്സിക്യൂട്ടീവ് ടാൻസൽ CULCU, എന്നിവർ ചടങ്ങിൽ മുഖ്യാതിഥികളായി. 

ഹോണററി ഡോക്ടറേറ്റുകൾക്ക് പുറമേ   പ്രൊഫഷണലുകൾക്ക് അവരുടെ വൈദഗ്ധ്യത്തിനും നേതൃത്വത്തിനും അംഗീകാരമായി പ്രൊഫഷണൽ ഡോക്ടറേറ്റ് നൽകി ആദരിച്ചു.

ക്രൗ മാക് ഗസാലിയുടെ സ്ഥാപകനും മാനേജിംഗ് പാർട്ണറുമായ ഡേവിസ് കല്ലൂക്കാരൻ, ഇന്റർനാഷണൽ മാരിടൈം ഇൻഡസ്ട്രീസ് (ഐഎംഐ) ജനറൽ കൗൺസിലും സെക്രട്ടറി ജനറലുമായ  ബ്രൂണോ ബോക്വിംപാനി ഏരിയൽ, എന്‍ഇഒഎമ്മിന്‍റെ മറൈൻ പ്രോജക്ട്സ് മാനേജരും ആക്ടിംഗ് പ്രോജക്ട്സ് ഡയറക്ടറുമായ ഗൊരിദ മന ജെ അൽയാമി, അൽ ജാസിറ തകാഫുളിന്റെ മാനേജിംഗ് ഡയറക്ടർ സാഗർ നാദിർഷാ തുടങ്ങിയവർക്ക് പ്രൊഫഷണൽ ഡോക്ടറേറ്റ് ലഭിച്ചു.

ഇഎഫ്എഫ്ഐഎസ്എം, ഇൻഡിവുഡ് ബില്യണയേഴ്‌സ് ക്ലബ്, ഏരീസ് ഗ്രൂപ്പ് ഓഫ് കമ്പനീസ് എന്നിവയുടെ സഹകരണത്തോടെ  ബിസ് ഇവന്റ്സ് മാനേജ്‌മെന്റാണ്  പ്രോഗ്രാം നിയന്ത്രിച്ചത്.

Advertisment