അമ്മയെക്കുറിച്ച് സോഹൻ റോയിയുടെ പുസ്തകം: പ്രകാശനം ഷാർജ പുസ്തകോത്സവത്തിൽ

ഷാർജ: പ്രമുഖ വ്യവസായിയും, ചലച്ചിത്ര സംവിധായകനും നിർമ്മാതാവുമായ സർ. സോഹൻ റോയിയുടെ പുസ്തകം "കസ്തൂരി ശലഭം" ഷാർജ അന്താരാഷ്ട്ര പുസ്തകോത്സവത്തിൽ പ്രകാശനം ചെയ്യും. നവംബർ 12 ബുധനാഴ്ച്ച രാത്രി 8 മണിക്ക് റൈറ്റേഴ്സ് ഫോറത്തിലെ ഹാൾ നമ്പർ 7 ലാണു പ്രകാശനച്ചടങ്ങ് .

 "കസ്തൂരി ശലഭം: എൻ്റെ അമ്മയുടെ ഡയറിക്കുറിപ്പുകൾ" എന്നതാണു പുസ്തകത്തിൻ്റെ മുഴുവൻ പേര്. അണുകാവ്യം, അണുമഹാകാവ്യം തുടങ്ങിയ  പുസ്തകങ്ങളുടെയും  കർത്താവ് കൂടിയാണ് സോഹൻ റോയ്.

 44-ാമത് ഷാർജ അന്താരാഷ്ട്ര പുസ്തകോത്സവം നവംബർ 5 മുതൽ 16 വരെയാണ് നടക്കുന്നത്. നിരവധി അന്താരാഷ്ട്ര പ്രസാധകരും ലോകപ്രശസ്തരായ സാഹിത്യകാരന്മാരും പങ്കെടുക്കുന്ന മഹാമേളയാണിത്. മലയാളത്തിലെ ഒട്ടുമിക്ക പ്രസാധകരും സാഹിത്യപ്രതിഭകളും ഷാർജ പുസ്തകമേളയിൽ പങ്കെടുക്കുന്നുണ്ട്.