യെസ് ഇന്ത്യ അബുദാബി സംഘടിപ്പിക്കുന്ന 'ഗസൽ ഈവ് 25' ഖവാലി മത്സരം ഇന്ത്യൻ ഇസ്ലാമിക് സെന്ററിൽ ജനുവരി 10ന്

അബുദാബി: സുൽത്താനൂൽ ഹിന്ദ് ഖ്വാജാ മുഈനുദ്ദീൻ ചിശ്തി അജ്മീർ (ഖ സി) ഉറുസ് മുബാറക് വാർഷിക ആഘോഷ പരിപാടികളോടനുബന്ധിച്ച് യെസ് ഇന്ത്യ അബുദാബി സംഘടിപ്പിക്കുന്ന 'ഖ്വാജാ ഗസൽ ഈവ് 25' ഖവാലി മത്സരം ജനുവരി പത്ത് വെള്ളിയാഴ്ച വൈകുന്നേരം 7:00 മണിക്ക് അബുദാബി ഇന്ത്യൻ ഇസ്ലാമിക് സെന്ററിൽ നടക്കും.

അബുദാബി എമിറേറ്റിൽ നിന്നും രജിസ്ട്രേഷൻ പൂർത്തിയാക്കി മോണിറ്ററിംഗിലൂടെ തിരഞ്ഞെടുക്കപ്പെട്ട ഖവാലി ഗ്രൂപ്പുകളാണ് ഖവാലി മത്സരത്തിൽ മാറ്റുരക്കുക.

ഇത് രണ്ടാം വർഷമാണ് യെസ് ഇന്ത്യ അബുദാബിയിൽ ഖ്വാജാ ഗസൽ ഈവ് സംഘടിപ്പോയിക്കുന്നത്. വിജയികൾക്ക് ഗോൾഡ് കോയിൻ മെമന്റോസ് ഉൾപ്പെടെ ആകർഷകമായ സമ്മാനങ്ങൾ നൽകും. പരിപാടിയിൽ വിവിധ സാമൂഹിക സാംസ്കാരിക മത സംഘടന രംഗത്തെ ഉന്നത വ്യക്തിത്വങ്ങൾ സംബന്ധിക്കും.

ഇതുമായി ബന്ധപ്പെട്ട് ചേർന്ന യോഗത്തിൽ അബൂബക്കർ അസ്ഹരി അധ്യക്ഷത, വഹിച്ചു. യാസിർ അഹമ്മദ് വേങ്ങര , മൊയ്തുട്ടി നൊച്ചിയാട് , സവാദ് കൂത്തു പറമ്പ് , ഷെരീഫ് ബദവി കുട്ടോത്ത്, അസ്ഫാർ മാഹി, ജൗഹർ , റഊഫ് സംബന്ധിച്ചു സുബൈർ ബാലുശ്ശേരി സ്വാഗതവും ജാബിർ അമാനി കൊട്ടില നന്ദിയും പറഞ്ഞു.