ബോൾട്ടൻ മലയാളി അസോസിയേഷന്റെ ഓണഘോഷം 'ചിങ്ങനിലാവ് 2025' സെപ്റ്റംബർ 27ന്; ആഘോഷം പൊടിപൂരമാക്കാൻ മെഗാ സ്റ്റേജ് ഷോയും കലാവിരുന്നുകളും; ബി എം എ 'സ്പോർട്സ് ഡേ' സെപ്റ്റംബർ 20ന്

ബോൾട്ടൻ: യു കെയിലെ മലയാളി സമൂഹത്തിന്റെ പ്രബല സംഘടനകളിൽ ഒന്നായ ബോൾട്ടൻ മലയാളി അസോസിയേഷൻ (ബി എം എ) - ന്റെ ഈ വർഷത്തെ ഓണഘോഷ പരിപാടി 'ചിങ്ങനിലാവ് 2025' സെപ്റ്റംബർ 27, ശനിയാഴ്ച വിപുലമായി സംഘടിപ്പിക്കും.

ബോൾട്ടൻ ഫാൻവർത്തിലെ ട്രിനിറ്റി ചർച്ച് ഹാളിൽ വച്ച് രാവിലെ 10 മണി മുതൽ വൈകുന്നേരം 5 മണി വരെയാണ് പരിപാടിയുടെ സമയക്രമം. ഒരാൾക്ക് £15 പൗണ്ട് ആണ് പ്രവേശന ഫീസായി നിശ്ചയിച്ചിരിക്കുന്നത്. 5 വയസ്സ് വരെയുള്ള കുട്ടികൾക്ക് പ്രവേശനം സൗജന്യമായിരിക്കും.

കോമഡി രാജാവ് കലാഭവൻ ദിലീപും പിന്നണി ഗാന രംഗത്തെ പ്രമുഖരും ചേർന്ന് അവതരിപ്പിക്കുന്ന 'ചിങ്ങനിലാവ് കോമഡി & മ്യൂസിക്കൽ മെഗാ സ്റ്റേജ് ഷോ' ആണ് പരിപാടിയിലെ മുഖ്യ ആകർഷണം.

അതിവിപുലമായ ആഘോഷങ്ങളാണ് ബി എം എ ഇത്തവണ ഒരുക്കിയിരിക്കുന്നത്. ബി എം എയിലെ കൊച്ചുകുട്ടികളുടെ വിനോദ പരിപാടികളോടെ രാവിലെ 10 മണിയോടെ ആരംഭിക്കുന്ന ഓണാഘോഷങ്ങളിൽ കൂട്ടായ്മയിലെ കലാകാരന്മാർ അവതരിപ്പിക്കുന്ന വൈവിധ്യമാർന്ന കലാവിരുന്നുകൾ, തിരുവാതിര, ബി എം എ നൃത്ത ക്ലാസിലെ കൊച്ചുകുട്ടികളുടെ സിനിമാറ്റിക് ഡാൻസ്, തുടങ്ങി നിരവധി കലാവിരുന്നുകൾ ഒരുക്കിയിട്ടുണ്ട്.

താലപ്പൊലിയുടേയും ആർപ്പുവിളികളുടേയും ആരവത്തോടെ 'മാവേലി മന്നന്റെ എഴുന്നുള്ളത്തും വിഭവ സമൃദ്ധമായ പൊന്നോണസദ്യയും  ഗൃഹാതുരത്വം പകരുന്ന ഓർമ്മക്കൂട്ടുകളാകും.  

ഓണസദ്യ ഉൾപ്പടെയുള്ള ക്രമീകരണങ്ങൾ ചെയ്യുന്നതിനായി ഓണാഘോഷത്തിൽ പങ്കെടുക്കുന്ന എല്ലാവരും മുൻകൂട്ടി ഓൺലൈനായി രജിസ്റ്റർ ചെയ്യണമെന്നും ഇത്തവണ സ്പോട്ട് രജിസ്ട്രേഷൻ ഉണ്ടാകില്ല എന്നും ഭാരവാഹികൾ അറിയിച്ചു. ഓൺലൈൻ രജിസ്‌ട്രേഷനയുള്ള ഫോം തയ്യാറാക്കിയിട്ടുണ്ട്. 

ബി എം എ ഓണാഘോഷ രജിസ്ട്രേഷൻ ഫോം:

https://forms.gle/rPW2U4HR5oAd5GrMA

ബി എം എ ഓണാഘോഷ വേദി:
Trinity Church Hall
Market St Farnworth 
Bolton BL4 8EX

ബി എം എ 'സ്പോർട്സ് ഡേ' സെപ്റ്റംബർ 20, ശനിയാഴ്ച സംഘടിപ്പിക്കും. രാവിലെ 10 മണി മുതൽ മത്സരങ്ങൾ ആരംഭിക്കും. 

ബോൾട്ടൻ മലയാളി അസോസിയേഷൻ (ബി എം എ)യുടെ 'സ്പോർട്സ് ഡേ' സെപ്റ്റംബർ 20, ശനിയാഴ്ച രാവിലെ 10 മണി മുതൽ ആരംഭിക്കും. 

മുതിർന്നവർക്കും കുട്ടികൾക്കുമായി പ്രായമനുസരിച്ച് വിവിധ കാറ്റഗറികളിമായി നിരവധി മത്സരങ്ങളാണ് ഒരുക്കിയിരിക്കുന്നത്. 

ബി എം എ സ്പോർട്സ് ഡേ രജിസ്ട്രേഷൻ ഫോം:

https://forms.gle/RwuVvtPgd93AoeRd6

ബി എം എ സ്പോർട്സ് ഡേ വേദി:
Amblecote Playing Fields
Amblecote Dr W
Little Hulton M38 9UG

കൂടുതൽ വിവരങ്ങൾക്ക്:

ഷൈനു ക്ലെയർ മാത്യൂസ് (പ്രസിഡന്റ്‌): 07872514619

റോമി കുര്യാക്കോസ് (ജനറൽ സെക്രട്ടറി): 07776646163

ടോം ജോസഫ് (സ്പോർട്സ് കോർഡിനേറ്റർ & ട്രഷറർ): 07862380730

ജിസി സോണി (കൾച്ചറൽ പ്രോഗ്രാം കോർഡിനേറ്റർ): 07789680443

ബി എം എയുടെ ആഭിമുഖ്യത്തിൽ അത്യാഡമ്പരപൂർവ്വം കൊണ്ടാടുന്ന ഓണാഘോഷ പരിപാടിയിലേക്കും 'സ്പോർട്സ് ഡേ'യിലേക്കും ഏവരെയും കുടുംബസമേതം സ്വാഗതം ചെയ്യുന്നതായി സംഘാടകർ അറിയിച്ചു.