പതിനാറാമത് യുക്മ ദേശീയ കലാമേള നവംബർ 01 ന് ചെൽറ്റൻഹാമിൽ. വിപുലമായ സംഘാടകസമിതി കലാമേളയ്ക്ക് നേതൃത്വം നൽകും

യു കെ : നവംബർ 01 ന് ചെൽറ്റൻഹാമിൽ വച്ച് നടക്കുന്ന പതിനാറാമത് യുക്മ ദേശീയ കലാമേളയുടെ തയ്യാറെടുപ്പുകൾ ദ്രുതഗതിയിൽ പുരോഗമിക്കുകയാണ്. ദേശീയ കലാമേളയുടെ സുഗമമായ നടത്തിപ്പിന് വേണ്ടി യുക്‌മ ദേശീയ സമിതി വിപുലമായ സംഘാടകസമിതി പ്രഖ്യാപിച്ചു.

കുതിരപ്പന്തയങ്ങൾക്ക് പേരുകേട്ട ചെൽറ്റൻഹാമിലെ പ്രശസ്തമായ ക്ളീവ് സ്‌കൂളിലെ എം.ടി. വാസുദേവൻ നായർ നഗറിലാണ് പതിനാറാമത് യുക്‌മ കലാമേളയ്ക്ക് തിരി തെളിയുന്നത്. ദേശീയ കലാമേളയുടെ വിജയത്തിനായി ദേശീയ, റീജിയണൽ ഭാരവാഹികളും അംഗ അസ്സോസ്സിയേഷൻ ഭാരവാഹികളും യുക്മ സ്‌നേഹികളും അടങ്ങുന്ന സംഘാടകരുടെ വലിയൊരു നിര സമയബന്ധിതമായി പ്രവർത്തിച്ച് കൊണ്ടിരിക്കുകയാണ്. ദേശീയ കലാമേളയുടെ സുഗമമായ നടത്തിപ്പിനായി താഴെ പറയുന്ന വിപുലമായ സംഘാടക സമിതിയെ യുക്മ ദേശീയ സമിതി പ്രഖ്യാപിച്ചു.

യുക്മ ദേശീയ കലാമേളയിലേക്ക് ഏവരേയും സ്വാഗതം ചെയ്യുന്നതായി പ്രസിഡൻ്റ് അഡ്വ. എബി സെബാസ്റ്റ്യൻ, ജനറൽ സെക്രട്ടറി ജയകുമാർ നായർ എന്നിവർ അറിയിച്ചു.