പീറ്റർബൊറോയിൽ പുതിയ യൂണിറ്റുമായി ഓ ഐ സി സി - യു.കെ; റോയ് ജോസഫ് പ്രസിഡന്റ്‌, സൈമൺ ചെറിയാൻ ജനറൽ സെക്രട്ടറി, ജെനു എബ്രഹാം ട്രഷറർ

ബോൾട്ടൻ: അടുത്ത മൂന്ന് മാസം യൂണിറ്റ് / റീജിയനുകളുടെ രൂപീകരണത്തിന് പ്രാധാന്യം കൊടുത്തുകൊണ്ടുള്ള പ്രവർത്തനങ്ങളിൽ ശ്രദ്ധ കേന്ദ്രീകരിച്ചു കൊണ്ട് മുന്നോട്ട് പോകുന്ന ഓ ഐ സി സി (യു കെ), പീറ്റർബൊറോയിൽ തങ്ങളുടെ പുതിയ യൂണിറ്റ് രൂപീകരിച്ചു. 

ശനിയാഴ്ച സംഘടിപ്പിച്ച രൂപീകരണ സമ്മേളനത്തിൽ ഐക്യകണ്ഠമായാണ് പുതിയ ഭാരവാഹികളെ തെരഞ്ഞെടുത്തത്.

നാഷണൽ വർക്കിങ് പ്രസിഡന്റ്‌ മണികണ്ഠൻ ഐക്കാട് യോഗനടപടികൾക്ക് നേതൃത്വം നൽകി. ഓ ഐ സി സി (യു കെ) നാഷണൽ പ്രസിഡന്റ്‌ ഷൈനു ക്ലെയർ മാത്യൂസ് ഓൺലൈനായി പങ്കെടുത്തു പുതിയ യൂണിറ്റിനും ഭാരവാഹികൾക്കും ആശംസകൾ നേർന്നു. 

ദിവസങ്ങളുടെയിടയിൽ ഓ ഐ സി സി (യു കെ) - യുടെ നാലാമത്തെ യുണിറ്റിന്റെ രൂപീകരണമാണ് ഇന്നലെ സംഘടിപ്പിക്കപ്പെട്ടത്. 

പുതിയ ഭാരവാഹികൾ: 

പ്രസിഡന്റ്‌: റോയ് ജോസഫ്

വൈസ് പ്രസിഡന്റുമാർ: എബ്രഹാം കെ ജേക്കബ്, ജിജി ഡെന്നി

ജനറൽ സെക്രട്ടറി: സൈമൺ ചെറിയൻ

ജോയിന്റ് സെക്രട്ടറിമാർ: ദിനു എബ്രഹാം, സിബി അറക്കൽ

ട്രഷറർ:  ജെനു എബ്രഹാം 

എക്‌സിക്യൂട്ടീവ് കമ്മിറ്റി അംഗങ്ങൾ: അനുജ് മാത്യു തോമസ്, സണ്ണി എബ്രഹാം, ജോബി മാത്യു