Advertisment

വിസ്മയ കാഴ്ചകളൊരുക്കി ഗിൽഫോർഡ് മലയാളി കൾച്ചറൽ അസ്സോസിയേഷൻ ക്രിസ്മസ് പുതുവത്സരാഘോഷം സംഘടിപ്പിച്ചു

author-image
റോമി കുര്യാക്കോസ്
Updated On
New Update

ഗിൽഫോർഡ്: ഗിൽഫോർഡ് മലയാളി കൾച്ചറൽ അസ്സോസിയേഷന്റെ ഈ വർഷത്തെ ക്രിസ്മസ് പുതുവത്സരാഘോഷം വർണ്ണാഭമായി.

Advertisment

ആഘോഷങ്ങൾക്കിടയിൽ കുട്ടികൾക്ക് സമ്മാനങ്ങളുമായി എത്തിയ സാന്താക്ലോസ് കുട്ടികൾക്കും മുതിർന്നവരോടുമൊപ്പം നടത്തിയ തകർപ്പൻ ഡാൻസ് സദസ്സിന് വിസ്മയകരവും അപൂർവ്വവുമായ ദൃശ്യാനുഭവവുമായി മാറി.

publive-image

ഗിൽഫോർഡ് കിംഗ്സ് കോളേജ് ഓഡിറ്റോറിയത്തിൽ വച്ച് സംഘടിപ്പിച്ച ചടങ്ങിൽ ജി എം സി എ ഭാരവാഹികളും കമ്മിറ്റി അംഗങ്ങളും ചേർന്ന് തിരിതെളിച്ചുകൊണ്ട് ക്രിസ്മസ് - ന്യൂ ഇയർ ആഘോഷങ്ങളുടെ ഉദ്ഘാടനം നിർവ്വഹിച്ചു. അസോസിയേഷൻ സെക്രട്ടറി നിക്സൺ ആന്റണി സ്വാഗതം ആശംസിച്ചു. ജി എം സി എ പ്രസിഡന്റ് മോളി ക്ലീറ്റസ് അധ്യക്ഷത വഹിച്ചു.   

ലോക കേരളസഭാംഗവും മലയാളം മിഷൻ യു കെ ചാപ്റ്റർ പ്രസിഡന്റുമായ സി എ ജോസഫ് ക്രിസ്മസ് ന്യൂ ഇയർ സന്ദേശം നൽകി.

ഓരോ വർഷവും ക്രിസ്മസ് പുതുവത്സരാഘോഷങ്ങൾ നടത്തുമ്പോൾ വിണ്ണിലെ സന്തോഷവും സമാധാനവും ഭൂമിയിലെ മനുഷ്യരുടെ ഹൃദയങ്ങളിലും നിറയുന്നുണ്ടോയെന്ന് നാം പുനഃപരിശോധന നടത്തേണ്ടതാണെന്നും സ്നേഹത്തിന്റെയും സമാധാനത്തിന്റെയും വിത്തുകൾ നമ്മുടെ ഓരോരുത്തരുടെയും ഹൃദയങ്ങളിൽ വിതറി മാനവ മനസ്സുകളിൽ സന്തോഷം നിറയാൻ എല്ലാവരുടെയും ക്രിസ്മസ് പുതുവത്സരാഘോഷങ്ങൾക്കിടയാകട്ടെയെന്നും സി എ ജോസഫ് തന്റെ സന്ദേശത്തിൽ എടുത്തു പറഞ്ഞു.

publive-image

ജി എം സി എയിലെ പ്രതിഭാധനരായ കുട്ടികളും മുതിർന്നവരും ചേർന്നവതരിപ്പിച്ച മനോഹരമായ നേറ്റിവിറ്റി ഷോയോടെ പരിപാടികൾക്ക് തുടക്കം കുറിച്ചു. തുടർന്ന് ഇടവേളയില്ലാതെ നടന്ന വൈവിധ്യമാർന്ന കലാപരിപാടികൾ വേദിയിൽ അരങ്ങേറിയപ്പോൾ അപൂർവ്വമായ ദൃശ്യ വിസ്മയകാഴ്ചകളാണ് സദസ്സിന് സമ്മാനിച്ചത്.

publive-image

ജിഎംസിഎയുടെ നേതൃത്വത്തിൽ ഓരോ ഭവനങ്ങളിലും നടത്തിയ കാരോൾ സന്ദർശനാവസരത്തിൽ ഏറ്റവും മികച്ച ദീപാലങ്കാരത്തിന് ഏർപ്പെടുത്തിയ സമ്മാനം രാജീവ് - ബിൻസി ദമ്പതികൾ സെക്രട്ടറി നിക്‌സൺ ആന്റണിയിൽ നിന്നും ഏറ്റുവാങ്ങി.

മികച്ച അവതാരകയായി എത്തി മുഴുവൻ പരിപാടികളും ചിട്ടയോടെ അവതരിപ്പിക്കുവാൻ അവസരമൊരുക്കിയ സാറാ മറിയം ജേക്കബ്ബ് ഏവരുടെയും പ്രശംസ ഏറ്റുവാങ്ങി. 

publive-image

ജി എം സി എ ഭാരവാഹികളോടൊപ്പം ആഘോഷ കമ്മറ്റി അംഗങ്ങളായ സ്നോബിൻ മാത്യു, ജിൻസി ഷിജു, വിനോദ് ജോസഫ് , രാജീവ് ജോസഫ്, സനു ബേബി, ഷിജു മത്തായി, ക്ളീറ്റസ് സ്റ്റീഫൻ തുടങ്ങിയവർ ക്രിസ്മസ് - പുതുവത്സരാഘോഷം വിജയകരമായി നടത്തുന്നതിന് നേതൃത്വം നൽകി. 

publive-image

പരിപാടികളിൽ പങ്കെടുത്ത മുഴുവനാളുകൾക്കും കൾച്ചറൽ കോർഡിനേറ്റർ ഫാൻസി നിക്സന്റെ കൃതജ്ഞത പ്രകാശനത്തോടെ ആഘോഷ പരിപാടികൾ സമംഗളം പര്യവസാനിച്ചു.

publive-image

Advertisment