യുക്മ ഈസ്റ്റ് ആംഗ്ലിയ റീജിയണൽ കലാമേള ഒക്ടോബർ 18 ന് റെയ്ലിയിൽ; രജിസ്ട്രേഷന് ആവേശകരമായ പ്രതികരണം

ബെഡ്ഫോർഡ്: യു.കെ മലയാളി അസോസിയേഷനുകളുടെ കൂട്ടായ്മയായ, 'യുക്മ'യുടെ ഈസ്റ്റ് ആംഗ്ലിയ റീജണൽ കലാമേള റെയിലിയിൽ വെച്ച് ഒക്ടോബർ 18 നു നടക്കും. കലാമേളയ്ക്കുള്ള രെജിസ്ട്രേഷൻ നടപടികൾ പുരോഗമിക്കവെ ആവേശകരമായ പ്രതികരണവും  രജിസ്റ്റർ ചെയ്യുന്ന കലാകാരുടേ വൻ പ്രവാഹവുമാണ് കാണുവാൻ കഴിയുന്നതെന്ന് ഭാരവാഹികൾ അറിയിച്ചു.  

ഈസ്റ്റ് ആംഗ്ലിയ റീജനിൽ നിന്നുള്ള 23 അംഗ അസോസിയേഷനുകളിൽ നിന്നായി ആയിരത്തിലധികം കലാപ്രതിഭകൾ പങ്കെടുക്കുമെന്നു പ്രതീക്ഷിക്കുന്ന ഈ മഹാ കലോത്സവം റെയ്‌ലിയിൽ വെച്ച് 

വിപുലമായ രീതിയിൽ അരങ്ങേറും.

കലാകാരെ മത്സരവേദിയിലേക്ക് നയിക്കുവാനും, പ്രോത്സാഹിപ്പിക്കാനുമായി അംഗ അസോസിയേഷനുകൾ  സജീവമായി രംഗത്തുണ്ട്.

ഇനിയും രെജിസ്ട്രേഷൻ നടത്തിയിട്ടില്ലാത്തവർ തങ്ങളുടെ അസോസിയേഷനുമായി ബന്ധപ്പെട്ട് എത്രയും വേഗം നടപടികൾ പൂർത്തിയാക്കണമെന്ന് ഈസ്റ്റ് ആംഗ്ലിയ റീജണൽ ഭാരവാഹികൾ അറിയിച്ചു.

കലാകാരുടെ പ്രതിഭയും, ഭാവനയും, കഴിവും നിറഞ്ഞ കലയുടെ മത്സരവേദിയിൽ മാറ്റുരക്കുവാനും കലയുടെ വർണ്ണവസന്തം ആസ്വദിക്കുവാനും ഏവരെയും സഹർഷം സ്വാഗതം ചെയ്യുന്നു. 

.