കോട്ട: രാജസ്ഥാനില് മാനസികാസ്വാസ്ഥ്യമുള്ള സ്വന്തം മകളെ മാനഭംഗം ചെയ്ത് കൊലപ്പെടുത്തിയ കേസില് 45 വയസുള്ള പിതാവിനു പ്രത്യേക കോടതി വധശിക്ഷ വിധിച്ചു. ഇരുപതിനായിരം രൂപ പിഴയും വിധിച്ചു. പോക്സോ കോടതിയാണു പ്രതിക്ക് വധശിക്ഷ വിധിച്ചത്.
2015 മേയ് 13ന് നയാപുരയിലെ വീട്ടില് പെണ്കുട്ടിയെ മരിച്ച നിലയില് കണ്ടെത്തുകയായിരുന്നു.വെയര്ഹൗസ് ഗാര്ഡായാണ് ഇയാള് ജോലി ചെയ്തുവന്നിരുന്നത്. കൊല്ലപ്പെടുമ്പോള് പതിനേഴുകാരി നാലു മാസം ഗര്ഭിണിയായിരുന്നു. ഇതാണ് കേസിനു വഴിത്തിരിവായത്.
ഡിഎന്എ പരിശോധനയില് പിതാവ് കുറ്റക്കാരനാണെന്നു തെളിയുകയായിരുന്നു. പെണ്കുട്ടിയുടെ അമ്മ ഇളയ മകനൊപ്പം വെയര്ഹൗസിനു സമീപം ചായക്കട നടത്തിവരികയാണ്. പിതാവ് കുട്ടിയെ പീഡിപ്പിക്കുന്ന വിവരം അമ്മയ്ക്ക് അറിവുണ്ടായിരുന്നുവെന്നു പോലീസ് പറഞ്ഞു.