Advertisment

ഇന്ത്യൻ ക്യാപ്റ്റൻ വിരാട് കോലി ടീമിന്റെ പരിമിത ഓവർ ക്യാപ്റ്റൻ സ്ഥാനം ഒഴിയും, പകരം രോഹിത് ശര്‍മ്മ സ്ഥാനമേറ്റെടുക്കുമെന്ന് റിപ്പോര്‍ട്ട്‌

New Update

ദുബായ്: ഇന്ത്യൻ ക്യാപ്റ്റൻ വിരാട് കോലി ടീമിന്റെ പരിമിത ഓവർ ക്യാപ്റ്റൻ സ്ഥാനം ഒഴിയുമെന്നും നിലവിൽ അദ്ദേഹത്തിന്റെ ഡെപ്യൂട്ടി ആയ രോഹിത് ശർമ്മ ചുമതലയേൽക്കുമെന്നും റിപ്പോർട്ടുകൾ സൂചിപ്പിക്കുന്നു. അത്തരത്തിലുള്ള ഊഹാപോഹങ്ങൾ കുറേക്കാലമായി പ്രചരിക്കുന്നുണ്ട്. കോലി തന്നെ ഉടൻ തന്നെ വലിയ പ്രഖ്യാപനം നടത്തുമെന്നാണ് റിപ്പോര്‍ട്ട്‌.

Advertisment

publive-image

പരിമിത ഓവർ ക്യാപ്റ്റൻസി ഉപേക്ഷിക്കാനുള്ള തീരുമാനത്തെക്കുറിച്ച് കോഹ്‌ലി രോഹിത്തുമായും ഇന്ത്യൻ ടീം മാനേജ്‌മെന്റുമായും ദീർഘനേരം ചർച്ച നടത്തിയിരുന്നു, വരും മാസങ്ങളിൽ അദ്ദേഹം തന്നെ പ്രഖ്യാപനം നടത്തുമെന്ന് പ്രതീക്ഷിക്കുന്നു. ബിസിസിഐ വൃത്തങ്ങൾ പറയുന്നതനുസരിച്ച്, നിലവിലെ ഇന്ത്യൻ ക്യാപ്റ്റൻ തന്റെ ബാറ്റിംഗിൽ കൂടുതൽ ശ്രദ്ധ കേന്ദ്രീകരിക്കാൻ ആഗ്രഹിക്കുന്നു.

എക്കാലത്തെയും മികച്ച താരങ്ങളിലൊരാളായി നിലയുറപ്പിച്ച നിലവിലെ ഇന്ത്യൻ ക്യാപ്റ്റനാണ് കോലി. ഐപിഎൽ വിജയത്തോടെ സ്റ്റാൻഡ്-ഇൻ ക്യാപ്റ്റനെന്ന റെക്കോർഡ് കണക്കിലെടുത്ത് ട്വന്റി 20 കളിൽ രോഹിത് ഈചുമതല ഏറ്റെടുക്കുമെന്ന് അഭ്യൂഹങ്ങളുണ്ട്. കോഹ്‌ലി ഇപ്പോൾ ബാറ്റിംഗിൽ ശ്രദ്ധ കേന്ദ്രീകരിക്കാൻ കൂടുതൽ ശ്രദ്ധിക്കുന്നു.

വിരാട് ഉടൻ തന്നെ പ്രഖ്യാപനം നടത്തും. തന്റെ ബാറ്റിംഗിൽ ശ്രദ്ധ കേന്ദ്രീകരിക്കണമെന്നും താൻ എക്കാലത്തേയും മികച്ച കളിക്കാരനായി മാറണമെന്നും അദ്ദേഹം അഭിപ്രായപ്പെടുന്നു,

ഐപിഎല്ലിൽ ക്യാപ്റ്റനെന്ന നിലയിൽ രോഹിത് വിജയിച്ചു, മുംബൈ ഇന്ത്യൻസിനെ അഞ്ച് കിരീടങ്ങളിലേക്ക് നയിച്ചു. ചില അവസരങ്ങളിൽ കോലിയുടെ സ്റ്റാൻഡ്-ഇൻ ക്യാപ്റ്റനായി രോഹിത് മികച്ച പ്രകടനം കാഴ്ച്ച വച്ചു.

32 കാരനായ കോഹ്‌ലി ഇതുവരെ 95 ഏകദിനങ്ങളിൽ ഇന്ത്യയെ നയിച്ചിട്ടുണ്ട്, 65 വിജയങ്ങളൊടൊപ്പം 27 തോൽവികളും നേടി.  കോഹ്‌ലി ക്യാപ്റ്റനായിരുന്ന 45 ടി 20 കളിൽ ഇന്ത്യ 27 തവണ ജയിച്ചപ്പോൾ 14 തവണ തോറ്റു.

മറുവശത്ത്, 34 കാരനായ രോഹിത് ഏകദിനത്തിൽ 10 തവണ ഇന്ത്യയെ നയിക്കുകയും രണ്ട് തവണ തോറ്റപ്പോൾ എട്ട് തവണ വിജയത്തിലേക്ക് നയിക്കുകയും ചെയ്തു. ടി 20 യിൽ, അദ്ദേഹം 19 തവണ ക്യാപ്റ്റനായി, 15 തവണ ജയിക്കുകയും നാല് തവണ തോൽക്കുകയും ചെയ്തു.

virat koli
Advertisment